U noč z suboty na niadzielu ŭ horadzie Dziatłava Hrodzienskaj vobłaści adbyłasia avaryja: aŭtamabil DAI ŭrezaŭsia ŭ mašynu, jakaja stajała na abočynie. Pry hetym za rulom milicejskaha aŭto siadzieŭ načalnik Mastoŭskaj DAI, paviedamlaje hrodzienski partał s13.ru.
Usio adbyłosia 17 sakavika ŭ 22.00. Pa słovach uładalnika paciarpiełaha aŭtamabila, jon stajaŭ na vulicy kala svajoj mašyny, supracoŭniki DAI zanadta chutka jechali i nie paśpieli svoječasova spynicca pierad mašynaj. Adbyłosia sutyknieńnie. Paśla hetaha małady čałaviek dastaŭ telefon i staŭ usio zdymać na videa.
Nielha skazać, što ŭdar byŭ mocny, ale bampiery aŭtamabilaŭ byli paškodžanyja.
U pracesie zdymki vyśvietliłasia, što ŭ mašynu aŭtara videa zajechaŭ načalnik Mastoŭskaj DAI. Varta adznačyć, što supracoŭniki pahadzilisia vyklikać milicyju dla afarmleńnia DTZ, svajoj viny ŭ tym, što zdaryłasia, na videa jany nie admaŭlali.
Na dadzieny momant razhlad pa dadzienym DTZ jašče praciahvajecca. Jak stała viadoma s13.ru, razhladajecca viersija taho, što aŭtamabil nie byŭ pastaŭleny na ručny tormaz.
Kamientary