Ranicaj 23 sakavika byŭ zatrymany adzin ź lidaraŭ Biełaruskaha nacyjanalnaha kanhresu, kaardynatar hramadzianskaj kampanii «Jeŭrapiejskaja Biełaruś» Jaŭhien Afnahiel, piša Radyjo Svaboda sa spasyłkaj na Chartyju'97.
«Dom byŭ u abłozie ŭžo niekalki dzion, z kožnaha boku dziažuryła pa adnym «busiku» z AMAPam… Siońnia ranicaj amapaŭcy padyšli da doma i skazali, što jość zahad na zatrymańnie ŭ lubym vypadku, navat kali nie vyjdzie z doma da 26 sakavika. Skazali, što buduć brać dom šturmam, vykarystoŭvać śpiecsrodki, pytalisia, ci jość maleńkija dzieci ŭ domie, skazali, što vyłomvać buduć navat mižpakajovyja dźviery, bić škło. Paśla taho, jak pačali ściakacca da doma z usich bakoŭ, stukać u dźviery i pahražać vyłamać, Ženia vyrašyŭ vyjści. Siońnia budzie sud, nijakich «daŭhoŭ» pa starych akcyjach u jaho niama», — raspaviała žonka palityka Kaciaryna Ludvih.
Dva dni tamu byli zatrymanyja lidary Biełaruskaha nacyjanalnaha kanhresu Uładzimira Niaklajeŭ, Maksim Viniarski i Viačasłaŭ Siŭčyk.
Viniarskaha i Siŭčyka asudzili na 10 sutak administracyjnaha aryštu, Uładzimira Niaklajeva — na 5 sutak.
Jany źbiralisia ładzić šeście 25 sakavika ad płoščy Jakuba Kołasa. U Minharvykankam była padadzienaja adpaviednaja zajaŭka, ale ŭ šeści było admoŭlena.
Kamientary