Dziasiatki tysiač ludziej u Armienii praciahvajuć patrabavać źmianialnaści ŭłady, niahledziačy na zatrymańni
Partyja «Hramadzianskaja damova, da jakoj naležyć zatrymany lidar pratestu Nikoł Pašynian, zaklikała žycharoŭ Jerevana vychodzić z štodzionnymi akcyjami pratestu da taho času, pakul ułady nie pojduć na sastupki.
Siabra partyi «Hramadzianskaja damova», što ŭznačalvaje pratest u Armienii, Rubien Rubinian źviarnuŭsia da pratestoŭcaŭ na fonie masavych zatrymańniaŭ, da jakich pačali źviartacca ŭłady krainy. Pra heta paviedamlaje news.am.
Rubinian zaklikaŭ praciahvać akcyi hramadzianskaha niepadparadkavańnia da taho času, pakul Sierž Sarhsian (były prezident Armienii, pryznačany premjeram) nie adstupić.
Pa słovach Rubiniana, pratestnyja akcyi ŭ Jerevanie buduć pačynać štodnia ŭ 08:15.
«Kali buduć pravakavać sutyknieńnie, nie idzicie na ich, mianiajcie miesca. Žychary abłaściej albo dałučajucca da akcyj u Jerevanie, albo pravodziać akcyi la siabie. Nie zabyvajem pra tatalnyja strajki», — skazaŭ jon.
Adzin ź lidaraŭ pratestu deputat Nikoł Pašynian, raniej zatrymany za arhanizacyju mitynhaŭ, zaklikaŭ pratestoŭcaŭ praciahvać baraćbu i samastojna arhanizoŭvacca.
«Zaŭtra pavinny zdoleć samaarhanizavacca, ni ŭ jakim razie nie iści na sutyknieńni, abychodzić mahčymyja miescy sutyčak z palicyjaj, nočču nie zastavacca na vulicy», — jaho pasłańnie pierad prysutnymi na płoščy Respubliki začytała siabra partyi «Hramadzianski dahavor» Lena Nazarjan.
U Armienii z 13 krasavika praciahvajucca akcyi pratestu suprać pryznačeńnia byłoha prezidenta Sierža Sarhsiana premjeram krainy. U niadzielu, 22 krasavika, na mitynh u centry Jerevana pryjšli 160 tys. čałaviek, paviedamlaje sa spasyłkaj na arhanizataraŭ miascovy partał lragir.
Pašynian byŭ zatrymany ranicaj u niadzielu, nieŭzabavie paśla taho jak sustreŭsia z premjeram Sarhsianam u haścinicy «Maryjot». Im nie ŭdałosia damovicca, Sarhsian zajaviŭ, što apazicyja zajmajecca «šantažom dziaržavy i zakonnych uładaŭ», i prapanavaŭ «viarnucca ŭ zakonnaje pole».
«Z nami nichto nie advažvajecca razmaŭlać na movie pahroz. Vy nie ŭjaŭlajecie sabie situacyju ŭ krainie, ułada ŭ Armienii pierajšła ŭ ruki naroda», — adkazaŭ jamu lidar apazicyi.
Paśla pravału pieramovaŭ pamiž Sieržam Sarhsianam i Nikołam Pašynianam armianskaja palicyja ŭžyła śpiecsrodki i pačała masavyja zatrymańni pratestocaŭ u Jerevanie. Za dzień byli zatrymanyja bolš za 270 čałaviek. U vyniku sutyknieńniaŭ z palicyjaj paciarpieli siem čałaviek.
Na fonie palityčnaha kryzisu ŭ Armienii viadomyja dziejačy zaklikajuć ułady i apazycyju da dyjałohu.
«Zaklikaju ŭsie baki sabracca za stałom pieramovaŭ z metaj pošuku rašeńniaŭ i vyklučeńnia luboha hvałtu. Kožny z bakoŭ pavinien pajści na sastupki ŭ imia zachavańnia adzinstva nacyi, zachoŭvajučy prychilnaść hetak važnym dla nas humanistyčnym i demakratyčnym kaštoŭnaściam», — zajaviŭ viadomy šansańje Šarl Aznavur.
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary