U Lvovie zvolnili nastaŭnicu, jakaja pavinšavała Hitlera z dniom naradžeńnia ŭ fejsbuku
20 krasavika deputat Lvoŭskaha haradskoha savieta ad partyi «Svaboda», nastaŭnica Marjana Baciuk raspaŭsiudziła ŭ fejsbuku vinšavańnie z dniom naradžeńnia lidara Treciaha Rejchu Adolfa Hitlera. Rasijskija prapahandysckija ŚMI adrazu ž padchapili hetuju navinu. Sama nastaŭnica śćviardžała, što jaje staronku ŭzłamali.
«Nu, mabyć, heta niejki napad na mianie, na maju palityčnuju siłu, ja nie viedaju, u čym sprava i čamu mienavita ciapier, čamu mienavita ŭ hety dzień. Ja vuču dziaciej, vuču patryjatyzmu i heta dziŭna, što takija rečy źjaŭlajucca na majoj staroncy, viadoma, ja hetaha nie rabiła», — zapeŭnivała Marjana Baciuk.
Kiraŭnik škoły, dzie Marjana Baciuk pracavała nastaŭnikam i namieśnikam dyrektara, kaža, nastaŭnikaŭ u sacyjalnych sietkach nie kantraluje, a pra post daviedaŭsia ad žurnalistaŭ. Učynak kalehi asudzili ŭsie nastaŭniki, było pryznačana słužbovaje rasśledavańnie.
A siońnia stała viadoma, što Marjanu Baciuk zvolnili z pracy. Pra heta paviedamlaje pres-słužba harsavieta Lvova i mer Lvova Andrej Sadavy.
Ale pra zvalnieńnie nastaŭnicy rasijskija ŚMI nie napisali.
Adznačajecca, što Baciuk aficyjnym listom zaprašali 24 krasavika ŭ «Haradski centr infarmacyjnych technałohij», kab jana mahła rastłumačyć svaju pazicyju. Adnak nastaŭnica nie źjaviłasia dla tłumačeńniaŭ. I rašeńnie ab zvalnieńni było pryniata ŭ suviazi z adsutnaściu aficyjnych asprečańniaŭ napisanaha ŭ fejsbuku.
A siońnia, 25 krasavika, Marjanie Baciuk u pamiaškańni škoły było paŭtorna prapanavana dać dostup da archiva jaje akaŭnta ŭ Facebook, adnak, jana admoviłasia heta zrabić.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza15
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary