Premjer-ministr Vialikabrytanii Tereza Mej pryznačyła novaha ministra ŭnutranych spraŭ. Im staŭ były top-mieniedžer Deutsche Bank.
Novym ministram unutranych spraŭ Vialikabrytanii ŭ paniadziełak pryznačany Sadžyd Džavid. Jak paviedamlaje telekanał Sky, naščadak vychadcaŭ z Pakistana, jon staŭ pieršym kiraŭnikom MUS — pradstaŭnikom nacyjanalnaj mienšaści.
Džavid paśpieŭ papracavać u banku Chase Manhattan ŭ Ńju-Jorku, a ŭ 2004 hodzie staŭ kirujučym dyrektaram Deutsche Bank. Syšoŭ jon adtul u 2009 hodzie, zarablajučy kala 3 miljonaŭ funtaŭ sterlinhaŭ za hod. Jon taksama pracavaŭ va ŭradzie, dzie adkazvaŭ za pytańni miascovaha samakiravańnia
Sky adznačaje, što rašeńnie pryznačyć Džavida moža tłumačycca žadańniem Mej nakiravać u MUS čałavieka, jaki raniej nie mieŭ nijakaha dačynieńnia da hetaha ministerstva i nie moža być datyčny da skandału, u jakim zamiašanaja jaho papiarednica Embier Rad.
Jak akazałasia, u ministerstvie byli vyznačanyja metavyja pakazčyki pa mihrantach, jakich ułady chacieli vysyłać z krainy. Skandał atrymaŭ nazvu Windrush.
Heta imihranty z Karybskaha basiejna, pieršy karabiel ź jakimi pad nazvaj «Empajr Uindraš» (Windrush) prybyŭ u Łondan 22 červienia 1948 hoda. Ich zaprasili ŭ Brytaniju, kab papoŭnić niedachop pracoŭnaj siły ŭ krainie.
Skandał uźnik paśla taho, jak stała viadoma, što niekatorych pierasialencaŭ z krain-členaŭ Brytanskaha Sadružnaści, jakija pryjechali ŭ Karaleŭstva ŭ pieryjad z kanca 1940-ch da 1970-ch hadoŭ, a taksama ich svajakoŭ abviaścili nielehalnymi imihrantami.
Paśla taho jak historyja stała zdabytkam hałosnaści, Rad syšła ŭ adstaŭku.
Kamientary