U Mahilovie zabaranili akcyju «Nieśmiarotny połk»? Raźbirajemsia
Šmat jakija rasijskija ŚMI dajuć infarmacyju, što ŭ Biełarusi sioleta ŭłady znoŭ nie chočuć davać dazvoł na praviadzieńnie akcyi «Nieśmiarotny połk», u Mahilovie jana maje nazvu «Połk pamiaci».
«Minharvykankam prapanoŭvaŭ pravieści šeście «Bieśśmiarotnaha pałka» niejak tak, kab heta nie kidałasia ŭ vočy na fonie aficyjozu. Adnak Mahiloŭski harvykankam pajšoŭ dalej: 27 krasavika jon dazvoliŭ akcyju «Nieśmiarotny połk» 9 maja, adnak užo ŭ subotu 28 krasavika pierastaŭ adkazvać za svaje słovy i zapatrabavaŭ pierajmienavać patryjatyčnaje mierapryjemstva», — piša vydańnie iarex.ru.
Maŭlaŭ, namieśnica staršyni Mahiloŭskaha abłvykankama, adkaznaja za ideałohiju Alena Hałuška ŭ subotu pačała terminova rassyłać listy i pisać, kab nazvu «Połk pamiaci» terminova źmianili na «Biełaruś pomnić».
«Chutkaja zamiena, miarkujučy pa ŭsim, źviazanaja z žadańniem miascovych čynoŭnikaŭ admiežavacca ad paralelaŭ z akcyjaj «Nieśmiarotny połk», jakaja pačałasia pravodzicca ŭ Rasii ŭ 2011 hodzie, a ŭ 2015-m, padčas aktyŭnych bajavych dziejańniaŭ va Ukrainie, stała pravodzicca na fiederalnym uzroŭni. U hety ž čas rasijskija ŚMI stali vykarystoŭvać «Nieśmiarotny połk» jak adzin ź instrumientaŭ prapahandy «ruskaha śvietu», — piša sajt mspring.online.
«Jašče raniej ułady Biełarusi faktyčna zabaranili vykarystańnie hieorhijeŭskaj stužki ŭ aficyjnych mierapryjemstvach, prapanavaŭšy aficyjozny anałah — čyrvona-zialonuju stužku z kvietkaj … Paźniej ułady Biełarusi dezavujavali zabaronu, adnak ŭsialak padkreślivali niepažadanaść vykarystańnia nazvy «Nieśmiarotny połk», hieorhijeŭskaj stužki i inšych simvałaŭ pieramohi ŭ Vialikaj Ajčynnaj vajnie», — pišuć rasijskija ŚMI.
Hałoŭny ideołah Mahilova Alena Hałuška pahadziłasia rastłumačyć «Našaj Nivie» situacyju.
«Biełaruś pomnić» — heta respublikanskaja akcyja, jakaja ŭ našaj krainie ŭ cełym charaktaryzuje sioleta 9 Maja. Ale heta nie admianiaje narodny ruch, jaki, sapraŭdy, zaradziŭsia ŭ Rasii, i idzie ad adnoj krainy da inšaj. Nichto jaho ŭžo nie spynić nie źbirajecca. Naadvarot, my nastrojvajem mahiloŭcaŭ, kab jany prychodzili na šeście da našaha krajaznaŭčaha muzieja. Budziem pravodzić šeście ad Alei Hierojaŭ da płoščy Lenina, dzie budzie parad i kancert.
Chaj by mnie pakazali, dzie ja admianiła hetuju akcyju ŭ Mahilovie? Kali jość taki dakumient za maim podpisam, to pakažycie.
U nas akcyja «Połk pamiaci» prachodzić užo try hady, u padtrymku toj akcyi, jakaja prachodzić u mnohich krainach.
«Połk pamiaci» projdzie ŭ ramkach ahulnarespublikanskaj kampanii «Biełaruś pomnić»
Takim čynam, nichto ŭ Mahilovie nie admianiaje «Połk pamiaci», ale infarmacyi pra akcyi sapraŭdy budzie značna mieniej, čym papiarednija hady.
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary