Barak i Mišel Abama padpisali šmathadovy kantrakt z kampanijaj Netflix, jakaja zajmajecca vytvorčaściu i pakazam u internecie filmaŭ i teleprahram.
44-y prezident ZŠA i jaho žonka buduć zdymać dla Netflix filmy i sieryjały na samyja raznastajnyja temy, u tym liku, mahčyma, zojmucca dakumientalnym i navukova-papularnym kino, a taksama sieryjałami i ekranizacyjaj litaraturnych tvoraŭ.
Paviedamlajecca, što Abamy buduć pracavać nie tolki za kadram, ale i ŭ kadry. Razam i paasobku.
Pradstaŭnik Netflix Ted Sarandos paćvierdziŭ fakt padpisańnia kantrakta. Pavodle jaho słoŭ, Barak i Mišel Abama — adny z samych pavažanych i šyroka viadomych u śviecie publičnych fihur, i ŭ ich jość unikalnaja mahčymaść daśledavać i adznačać historyi ludziej, jakija ŭnieśli značny ŭkład u svaju sacyjalnuju hrupu — tych, chto imkniecca źmianić śviet da lepšaha.
Kamientary