«Jak napiŭsia bryhadzir — dyk biez pamiaci chadziŭ»: takoj narodnaj pieśni vy jašče nie čuli VIDEA
Babula z-pad Puchavič reža praŭdu-matku, śpiavaje prypieŭki i raskazvaje, jak sustreła ŭ Minsku Saładuchu.
Prahrama «Viaskoŭcy» telekanała «Biełsat» trapiła ŭ hości da žančyny z vybitnymi aktorskimi zdolnaściami dy niezvyčajnym pačućciom humaru.
Spadarynia Volha, kolišniaja pracaŭnica torfazdabyŭnaj arcieli «16 čyrvonych partyzanaŭ», spačatku z aściarohaj pastaviłasia da viadoŭcy prahramy Viktara Šukiełoviča, a potym raskryła pierad im cełuju palitru svaich talentaŭ.
Hierainia prahramy raspaviała, što vielmi dobra raźbirajecca ŭ ludziach i mahła b pracavać u vyšuku. Niadaŭna jana raskusiła prafiesijnych ašukanak, jakija jeździać pa vioskach i abkradajuć sielskich žycharoŭ.
Vynachodlivaja hierainia pakazała, što joj dapamahaje pierastaŭlać ciažkija čyhuny i padzialiłasia łajfchakam ad siabroŭki, jak ekanomić drovy.
Viktaru jana zahadała taksama niekalki daŭnich zahadak, praśpiavała śmiešnyja prypieŭki dy pieśni z časoŭ svajoj maładości.
Spadarynia Volha raspaviała ščymlivuju žyćciovuju historyju pra luboŭ da rodnaj ziamli. Niekali jejny dziadźka vyjechaŭ u ZŠA, ale vielmi sumavaŭ pa radzimie. Na jahonuju prośbu rodzičy, jakija zastalisia ŭ Biełarusi, vysłali jamu praz akijan słovy narodnaj pieśni «Za haroj, za kamianoju, hałuby latali». Prylacieŭšy ŭ Miensk u časy SSSR, dziadźka čakaŭ dazvołu ad uładaŭ, kab naviedać rodnuju viosku, ale jahonaje serca nie vytrymała ŭzrušeńnia i jon pamior. Litaralna na nastupny dzień pryjšoŭ dazvoł.
Ciapier čytajuć
Mižnarodny kryminalny sud pačaŭ rasśledavańnie złačynstvaŭ, ździejśnienych režymam Łukašenki13
Kamientary