Dźvie hrodzienki, 54- i 63-hadovaja, kaliści stracili hrošy, jakija ŭkłali ŭ finansavuju piramidu MMM, i daŭno pra heta zabylisia. U pačatku 2018 hoda da ich pačali telefanavać nieviadomyja, jakija pradstaŭlalisia strachavymi ahientami. Jany zapeŭnivali, što hrošy ŭsio jašče možna viarnuć — treba tolki apłacić bankaŭskija vydatki, paviedamlaje Hrodzienskaja milicyja.
Im paviedamili, što na ich rachunkach nazapasilisia bujnyja sumy. Hrošy možna było zabrać choć zaraz, tolki apłaciŭšy vydatki pa ich zachavańni.
Žančyny paddalisia na ŭhavory i adpravili ŭ Rasiju biazadrasnyja pieravody. Kožny raz — ad 500 da 5000 dołaraŭ ZŠA. Tak 63-hadovaja haradzienka straciła 40 000, a 54-hadovaja — 8 000 dalaraŭ. Pa artykule «machlarstva» raspačata kryminalnaja sprava.
Kamientary