Biznesmien Izrailevič — «Našaj Nivie»: Nie mučciesia, razmaŭlajcie pa-rusku!
U Redakcyju «Našaj Nivy» źviarnuŭsia Arkadź Izrailevič — toj samy biznesmien, što vystupaje niefarmalnym advakatam haspadaroŭ restarana ŭ Kurapatach. Pradprymalnik praciahvaje publičnuju pikiroŭku z deputatam Pałaty pradstaŭnikoŭ, staršynioj Tavarystva biełaruskaj movy Alenaj Anisim.
Čytajcie: «Nie treba rabić ź mianie vyludka», — biznesoviec Arkadź Izrailevič kaža, što nie źviazany z restaranam u Kurapatach
Spačatku biznesmien źviazaŭ asobu Anisim z hazietaj «Novy čas» i vykazaŭ joj pretenzii što da apublikavanaha rasśledavańnia pra ŭłaśnikaŭ restarana «Pajedziem pajadzim». «Navošta vy sprabujecie sabrać da kučy jak maha bolš habrejaŭ i stvaryć u našaj krainie niejkuju sijanisckuju zmovu?», — zadaŭsia pytańniem Izrailevič.
Alena Anisim kateharyčna admiała jaho abvinavačvańni i paprasiła pakinuć jaje ŭ spakoi.
Tym nie mienš Izrailevič zachacieŭ asabista parazmaŭlać ź joj. Jon čamuści mierkavaŭ, što Anisim — zasnavalnica jašče i «Našaj Nivy», tamu zapatrabavaŭ u Redakcyi jaje kantakt.
Źviartaje na siabie ŭvahu parada, jakuju Izrailevič pakinuŭ sakratarcy «Našaj Nivy», jakaja adkazvała na zvanok i, naturalna, kamunikavała ź im pa-biełarusku: «Nie mučciesia, razmaŭlajcie pa-rusku».
Chrysta Hrozieŭ: Mielnikava jak minimum hod, a chutčej za ŭsio, paŭtara pieradavała infarmacyju biełaruskim śpiecsłužbam36
Kamientary