Anisim — biznesmienu Izraileviču: Čamu vy abvinavačvajecie mianie ŭ raspalvańni varažniečy?!
Deputatka Alena Anisim apublikavała adkryty list biznesmienu Arkadziu Izraileviču, jaki raniej abvinavaciŭ jaje ŭ raspalvańni varažniečy.
Čytajcie taksama:
Biznesoviec Arkadź Izrailevič abvinavaciŭ TBM u raskručvańni «sijanisckaj zmovy» praź situacyju ŭ Kurapatach
Alena Anisim: Jaki antysiemityzm? Niachaj spadar Izrailevič dałučajecca da dobraŭparadkavańnia habrejskich mohiłak u Stoŭbcach
Pavažany spadar Arkadź Izrailevič!
Na minułym tydni Vy ŭ svaim błohu ŭ suviazi ź situacyjaj u Kurapatach publična abvinavacili mianie ŭ raspalvańni mižnacyjanalnaj varažniečy, kali karystacca jurydyčnaj terminałohijaj. Moj publičny adkaz byŭ źmieščany ŭ «Našaj Nivie», i ja spadziavałasia, što maja prapanova da Vas pa supracy ŭ płanie zachavańnia pamiaci pra Vašych suplamieńnikaŭ zmoža pryvieści da parazumieńnia i dalejšaha kanstruktyŭnaha dyjałohu ŭ imia histaryčnaj praŭdy i narmalnaha raźvićcia situacyi. Adnak, vymušana sa ździŭleńniem kanstatavać, što hetaha nie adbyłosia. I majo imia znoŭ i znoŭ vykarystoŭvajecca Vami ŭ niehatyŭnym kantekście ŭ adnosinach da pytańniaŭ uzajemadačynieńniaŭ biełaruskaha i jaŭrejskaha narodaŭ.
Chaču nahadać Vam, što mienavita biełaruskaja ziamla była prytułkam dla mnohich pakaleńniaŭ jaŭrejaŭ na praciahu mnohich stahodździaŭ. I nichto z pradstaŭnikoŭ biełaruskaha naroda, u pryvatnaści, intelihiencyi, nie zajmaŭsia raspalvańniem mižnacyjanalnaj varažniečy. Naadvarot, u dvaccatych hadach minułaha stahodździa byŭ uziaty kurs na dziaržaŭnaje šmatmoŭje, dzie siarod inšych była mova idyš, jakaja nabyła status adnoj ź dziaržaŭnych moŭ na terytoryi BSSR. Mnohija pradstaŭniki jaŭrejskaj tvorčaj intelihiencyi zrabili značny ŭkład u kulturu biełaruskaha naroda, u tym liku i ŭ mastackuju litaraturu na biełaruskaj movie. I na takim razumieńni i kulturnym jadnańni vychoŭvalisia ŭsie pakaleńni našych narodaŭ. A padčas stalinskich represij u 30-ja hady źniščalisia jak biełarusy, tak i jaŭrei. Tamu i pamiać pra Kurapaty balučaja dla abodvuch narodaŭ, i śpiekulacyi na hetu temu niedarečnyja. Takaja maja asabistaja pazicyja, jakoj ja prytrymlivajusia ŭ svaich dziejańniach i ŭčynkach.
U suviazi z usim vyšejskazanym, ja prašu Vas adkazać na nastupnaje pytańnie:
Jakija kankretna maje słovy, vykazvańni ci ŭčynki dali Vam padstavu dla abvinavačvańniaŭ mianie ŭ raspalvańni varažniečy pamiž našymi narodami?
Kali ŭ Vas niama takich prykładaŭ, ja nastojvaju na publičnym pryznańni hetaha fakta i prapanuju Vam zrabić nieabchodnyja zachady dla spynieńnia raspaŭsiudu niehatyŭnaj infarmacyi pra mianie i maju dziejnaść.
Ciapier čytajuć
«Niejkaja Liza, jakoj 20 hadoŭ, sudzicca z Łukašenkam» — vialikaja hutarka z novaj vice-śpikierkaj KR Lizavietaj Prakopčyk13
Kamientary