Ź biełaruskaha carkoŭnaha žyćcia ŭ Amierycy: piknik u Saŭt-Ryviery
U horadzie Saŭt-Ryviery, što ŭ štacie Ńju-Džersi, prychadžanie carkvy sv. Jeŭfrasińni Połackaj ładziać štohod piknik, kab smačna pajeści, paviesialicca, pasłuchać śpievaŭ, muzyki, paprabavać ščaścia ŭ tradycyjnaj łatarei dy prosta pahavaryć pra žyćcio-byćcio.
Usia hetaja padzieja adbyvajecca kala carkvy ŭ svaim nievialikim parku. Tut ža znachodzicca i budynak hramadskaha centra z parkoŭkaj, a ładny kavałak prastoru dziesiacihodździ tamu prychadžanie, amal kožaja siamja, zasadzili drevami. Ciapier hetyja drevy z razmašystymi kronami dadajuć da ahulnaj pryhažości dy prachałody ŭ haračyja dni. Z usich biełaruskich cerkvaŭ u Amierycy saŭtryvierskaja adznačajecca jakraz svaim navakolnym prastoram, jaki nadaje vialikuju vyhadu pravodžanym tut śviatočnym i zabaŭlalnym mierapryjemstvam.
Jak i minułymi hadami, šmat papracavali nad sioletniaj padrychtoŭkaj i praviadzieńniem piknika, jaki adbyŭsia ŭ minułuju niadzielu 24-ha, staršynia carkoŭnaj rady Žorž Leščanka, a taksama Žorž Arcišenka, Robiert Cupryk, Žorž Navumčyk, Kacia Mierło dy inšyja.
Padzieja prajšła hładka i pryjemna, pahoda paspryjała. Sabrałasia čałaviek pad siemdziesiat, ad čatyrochmiesiačnaha Krystafara Biełahłovaha da 92-hadovaj Viłački Leŭčuk. Ajciec Kanstancin błasłaviŭ stały i prysutnych. Haspadyniam, što paprynosili ježu, spažyŭcy razdavali kamplimienty za smakavitaść stravaŭ. Kola Bachar prademanstravaŭ iznoŭ svajo majsterstva ŭ žarańni skvarak. Muzyka i śpievy Valancina i Tani Dziamieščkaŭ, Aŭhiena Mahalifa dy inšych łahodzili dušu słuchačam i ŭzdymali śviatočny nastroj.
Pad kaniec dnia, razychodziačysia, ludzi byli ŭdziačnyja i arhanizataram i adzin adnamu za pryjemna praviedzieny čas.
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja46
Kamientary