Polskaja naftahazavaja kampanija PGNiG maje prava patrabavać z «Hazproma» źnižeńnia cany na rasijski haz u ramkach doŭhaterminovaha kantraktu, u adpaviednaści ź jakim rasijskaja kampanija pastaŭlaje haz u Polšču (tak zvany «Jamalski kantrakt»). Pra heta havorycca ŭ častkovym rašeńni Stakholmskaha arbitražnaha suda, paviedamlaje ŭ subotu pres-słužba PGNiG.
Sud, jak skazana ŭ paviedamleńni, pryznaŭ arhumienty PGNiG i pastanaviŭ, što jość pieradumova, jakaja daje prava PGNiG patrabavać źnižeńnia cany. Na praciahu mnohich hadoŭ «Hazprom» adkidaŭ mahčymaść źmieny cany, tamu cana kantraktu značna pieravyšała ceny na jeŭrapiejskich rynkach, havorycca ŭ paviedamleńni polskaj kampanii.
«Sud pryniaŭ da ŭvahi klučavyja arhumienty PGNiG, jakija pakazvajuć na nieabchodnaść panižeńnia cany kantraktu i adchiliŭ aficyjnyja piarečańni «Hazproma», nakiravanyja na padtrymańnie isnujučych niarynkavych cenavych umoŭ u ramkach Jamalskaha kantraktu», — pryvodziacca ŭ paviedamleńni słovy kiraŭnika PGNiG Piatra Vaźniaka. Jon dadaŭ, što kampanija vitaje dadzienaje rašeńnie suda. «My čakajem, što jana [cana] budzie źnižana da rynkavaha ŭzroŭniu na bolš poźnim etapie razhladu», - dadaŭ jon.
Havorka idzie pra kantrakt, padpisany ŭ 1996 hodzie. Jon praduhledžvaje pastaŭku ŭ Polšču 10 młrd kubamietraŭ hazu ŭ hod. Kantrakt dziejničaje da 2022 hoda. U 2012 hodzie «Hazprom» i PGNiG padpisali dadatkovaje pahadnieńnie da dadzienym kantrakcie, jakoje źmianiaje cenavyja ŭmovy. U PGNiG tady ŭkazvali, što ŭ vyniku cana na rasijski haz źnizicca bolš čym na 10%. Adnak paźniej Polšča zajaviła, što budzie damahacca dalejšaj źnižki na rasijski haz.
Polskaja PGNiG inicyjavała sudovy razhlad suprać «Hazproma» u Stakholmskim arbitražy ŭ 2015 hodzie. Sam pazoŭ byŭ padadzieny ŭ lutym 2016 hoda. «Kroki, pryniatyja PGNiG, naceleny na pryviadzieńnie doŭhaterminovaha kantraktu ad 1996 hoda ŭ adpaviednaść ź situacyjaj na jeŭrapiejskim rynku pryrodnaha hazu», - adznačała tady polskaja kampanija.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak6
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary