Styŭ Dzitko pamior va ŭzroście 90 hadoŭ, paviedamlaje vydańnie The Hollywood Reporter sa spasyłkaj na pradstaŭnikoŭ palicejskaha departamienta Ńju-Jorka. Cieła mastaka znajšli ŭ jaho ŭłasnaj kvatery 29 červienia. Miarkujecca, što jon pamior dvuma dniami raniej. Pryčyny śmierci Dzitko nie nazyvajucca.
U 1961 hodu Dzitko razam z hałoŭnym redaktaram Marvel Comics Stenam Li stvaryŭ vobraz «Čałavieka-pavuka». Mienavita hety mastak prydumaŭ vobraz hetaha hieroja, jaho čyrvona-siniuju vopratku. Kali komiks staŭ vielmi papularnym, to Dzitko prydumaŭ i inšych hierojaŭ, ź jakimi paźniej vajavaŭ «Čałaviek-pavuk»: «Doktara Vaśminoha», «Zialonaha hoblina» i inšych.
U 1963 hodu Dzitko stvaryŭ jašče adnaho supierhieroja — «Doktara Strendža», jaki na praciahu troch hadoŭ źjaŭlaŭsia ŭ komiksach Marvel.
Paśla 1966 hoda Dzitko pakinuŭ Marvil Comics z-za supiarečnaściaŭ ź Li. Pa adnoj ź viersij mastak paličyŭ, što jaho rolu ŭ papularyzacyi komiksaŭ zamienšanaja.
Kamientary