Try rodnyja siastry — 17, 18 i 19 hadoŭ — zatrymanyja ŭ Maskvie za zabojstva svajho baćki. Jak paviedamlajuć rasijskija ŚMI, 52-hadovy Michaił Chačaturan užyvaŭ narkotyki i pastajanna pahražaŭ dočkam raspravaj. U jaho aŭtamabili znajšli dva kiłahramy narkotykaŭ i zbroju.
Ahučvajecca niekalki viersij taho, jak adbyłosia zabojstva.
Pavodle pieršaj, baćka pad uździejańniem narkotykaŭ pryjšoŭ u pakoj dziaciej z nažom i nakinuŭsia na ich. Kali jon nakinuŭsia na starejšuju Anhielinu, tady małodšaja Maryja vychapiła zbroju i ŭdaryła joj niekalki razoŭ baćku ŭ šyju. Ad atrymanych traŭmaŭ toj pamior na miescy.
Druhaja viersija — spłanavanaje zabojstva. Kali baćka siadzieŭ u kreśle, małodšaja ŭdaryła jaho nažom, starejšaja vykarystała małatok, a siaredniaja Kryścina pyrskała ŭ tvar hazavym bałončykam.
Finiš historyi dakładny — baćka zdoleŭ vyrvacca i vybiehčy ŭ padjezd, adnak ad straty kryvi straciŭ prytomnaść i pamior.
Znajomyja siamji raskazvajuć, što Michaił ździekavaŭsia z usich dziaciej — jość jašče i syn, jaki syšoŭ z domu ad baćki-tyrana. Jon nie dazvalaŭ im vučycca ŭ škole, zabaraniaŭ pastupać u VNU, adna ź dziaŭčat zajaviła, što baćka jaje hvałtavaŭ.
Dastavałasia i maci — jana nie vytrymała i stała žyć asobna, ź ciaham času stvaryła novuju siamju.
Ciapier siostry dajuć pakazańni.
Kamientary