ŁHBT-aktyvistka paźbiehnuła treciaha suda za płakat «Sami vy padrobka»
Cud Leninskaha rajona h. Minska spyniŭ administracyjnuju spravu pa č. 1 art. 23.34 KaAP suprać ŁHBTK-aktyvistki Viki Biran za fota z płakatam «Sami vy padrobka» kala budynku KDB.
Sudździa Maryna Hramovič razhledzieła spravu 30 lipienia i ŭstanaviła, što pratakoł za «niesankcyjanavany pikiet» u dačynieńni da Viki Biran byŭ składzieny 4 červienia, u sud sprava pastupiła 27 lipienia, a samo pravaparušeńnie było ździejśniena 24 maja. Termin pryciahnieńnia da administracyjnaj adkaznaści skončyŭsia jašče 22 lipienia.
Na padstavie hetaha sud pryjšoŭ da vysnovy ab spynieńni vytvorčaści pa spravie suprać Viki Biran.
Nahadajem, 16 lipienia adbyŭsia razhlad spravy ŭ sudzie Centralnaha rajona h.Minska. Tady sudździa Viktoryja Šabunia paličyła aktyvistku vinavataj u parušeńni praviadzieńnia masavaha mierapryjemstva - trochsiekundnaha fatahrafavańnia z płakatam kala budynku MUS, i aštrafavała jaje na 15 bazavych vieličyń. Anałahičnaje rašeńnie 23 lipienia vynies i sud Maskoŭskaha rajona (suddia Taćciana Motyl) - 15 bazavych vieličyń. Vika Biran padała skarhi na rašeńnie sudoŭ. Tym časam na kraudfandynhavaj płatformie «Tałaka» spačuvajučyja ŭžo naźbirali bolš za 900 rubloŭ, kab pakryć štraf aktyvistki.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary