Jak stała viadoma Tribuna.com, Juryj Čyž u najbližejšy čas moža pakinuć minskaje «Dynama» i pieradać jaho novamu ŭłaśniku. Charaktar i ŭmovy ździełki na hety momant nieviadomyja. Proźvišča novaha ŭłaśnika taksama nie nazyvajecca.
Krynicy, blizkija da kłuba, paviedamili, što hetaje rašeńnie moža być źviazana z paražeńniem ad «Zienita» ź likam 1:8.
Ułaśnik moža pamianiacca ŭžo da kanca hoda. Pavodle inšych źviestak, pieradača kłuba moža adbycca ŭžo ŭ vieraśni.
Čyž staŭ staršynioj praŭleńnia ŭ minskim «Dynama» ŭ 1999 hodzie.
Padčas kiraŭnictva Čyžom Dynama adzin raz vyjhrała čempijanat, 8 razoŭ zajmała druhoje miesca, 5 razoŭ — treciaje. Čyž pamianiaŭ 32 treniery.
Raniej paviedamlałasia, što na minskaje «Dynama» pretendavaŭ były kampańjon Čyža pa «Trajpłu» Uładzimir Japryncaŭ. Pavodle infarmacyi Tut.by, biznesoviec navat napisaŭ list na imia Łukašenki pra svajo bačańnie raźvićcia «Dynama» z ukazańniem krynic finansavańnia.
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary