Vyjšła videaviersija kancerta «(Nie)rasstralanaja paezija»
Pabačyła śviet videaviersija kancerta «(Nie)rasstralanaja paezija», jaki prajšoŭ 29 kastryčnika 2017 hodu ŭ minskim kłubie «Briuhhie».
U kancercie ŭziali ŭdzieł 11 vykanaŭcaŭ. Usie jany prezientavali pieśni na vieršy biełaruskich paetaŭ, bolšaść ź jakich była rasstralanaja ŭ noč z 29 na 30 kastryčnika 1937 hodu. Na muzyku byli pakładzienyja tvory Valeryja Marakova, Alesia Dudara, Anatola Volnaha, Michasia Čarota, Ziamy Pivavarava dy inšych. «Liču hety prajekt vielmi istotnym, bo nielha zamoŭčvać toj fakt, što było vyniščana bolšaść talenavitych biełaruskich aŭtaraŭ 1930-ch. Vielmi škada, što pra heta siońnia mała havorać», — zaznačaje adzin z udzielnikaŭ kancertu Lavon Volski.
Akrom 11 trekaŭ, jakija byli zapisanyja ŭ kłubie «Briuhhie», da videaviersii «(Nie)rasstralanaj paezii» dałučanaja kampazicyja Śviety Bień z hurta «Sieriebrianaja svad́ba» na słovy Izi Charyka. Śpiavačka nie zdoleła ŭziać udzieł u kancercie, ale prezientavała pieśniu raniej — na adkrytaj lekcyi, pryśviečanaj paetu, u kniharni «Łohvinaŭ». Usie pieśni prajektu ŭ studyjnaj viersii možna pasłuchać tut.
U vieraśni startavała druhaja častka prajektu, u miežach jakoj vyjdzie knižnaje vydańnie z muzyčnym dadatkam, projduć novyja lekcyi z vystupami muzykaŭ u Minsku i prezientacyi ŭ rehijonach. Pieršaja impreza projdzie 2 kastryčnika ŭ Minsku. U kniharni «Łohvinaŭ» daśledčyk litaratury Viktar Žybul pračytaje adkrytuju lekcyju pra paeta Siarhieja Astrejku, pieśniu na jahony vierš užyvuju zajhraje hurt Zanzibar. A 7 kastryčnika ŭ prastory «Dom 46» u Hrodna lekcyju pra Majsieja Kulbaka pračytaje Volf Rubinčyk. Uvieś raskład lekcyjaŭ tut.
Zamović knihu z CD prajektu «(Nie)rasstralanyja» možna na Ulej.by.
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja23
Kamientary