Jak paviedamlajuć «Minsk-naviny», historyja razharnułasia ŭ adnym z žyłych damoŭ na vuł. Niomanskaj. Mužčyna haściavaŭ u znajomaha, vykidvaŭ śmiećcie i vypadkova vypuściŭ klučy ad svajoj kvatery ŭ śmiećciepravod. Jon vyrašyŭ dastać ich samastojna i pačaŭ spuskacca pa śmiećciepravodzie z 9-ha paviercha. Na ŭzroŭni 6-ha paviercha jamu ŭdałosia dastać stratu, ale samastojna vybracca jon užo nie zmoh.
Ratavalniki spuścili strachovačnyja pryłady i zamacavali ich na paciarpiełym, papiarednie pašyryŭšy adtulinu kanała śmiećciepravoda. Rabotnikam MNS udałosia dastać mužčynu. Z papiarednim dyjahnazam «traŭmy tazavych kostak, hałavy» jaho špitalizavali. Viadoma, što jon znachodziŭsia ŭ stanie ałkaholnaha apjanieńnia.
Kamientary