Ministr unutranych spraŭ ZŠA Rajan Zinkie, vystupajučy na arhanizavanym Aljansam spažyŭcoŭ enierhii pramysłovym mierapryjemstvie ŭ Pitsburhu, zajaviŭ, što Złučanyja Štaty mohuć arhanizavać marskuju błakadu Rasii, kab «nie dapuścić jaje kantrolu nad enierhapastaŭkami ŭ krainy Blizkaha uschodu, jak heta ciapier adbyvajecca ŭ Jeŭropie». Słovy kiraŭnika viedamstva pryvodzić amierykanskaja hazieta Washington Examiner.
«U ZŠA, z našym fłotam, jość takaja zdolnaść sačyć za tym, kab marskija šlachi byli adkryty i, kali nieabchodna, błakavać ich <…> kab pierakanacca, što ich [rasijskaja] enierhija nie vychodzić na rynak», — zajaviŭ ministr.
Na mierapryjemstvie, jak pakazvaje vydańnie, jon prysutničaŭ dla taho, kab rastłumačyć, čamu hidraŭličny razłom abo frejkinh (mietad zdabyčy hazu, pry jakim u hornych parodach šlacham ŭpyrskvańnia sumiesi piasku i vady stvarajucca raskoliny), a taksama słancavy bum dali ZŠA pieravahu pierad ich kankurentami na enierhietyčnym rynku ŭ Rasii i Iranie i zrabili Štaty mienš zaležnymi ad zamiežnych krynic enierhii.
«Rasija vykarystoŭvaje adzin i toj ža padychod», - paviedamiŭ Zinkie, kažučy pra toje, što rasijskaja ekanomika, pa jaho dadzienych, zaležyć ad zdolnaści pradavać enierhanośbity. «Ja liču, što pryčyna, pa jakoj jany [rasijanie] znachodziacca na Blizkim Uschodzie, zaklučajecca ŭ tym, što jany chočuć pastaŭlać tudy enierharesursy hetak ža, jak i va Uschodniuju Jeŭropu», - dadaŭ ministr.
«Isnuje vajenny varyjant [ŭpłyvu], jakoha ja b chacieŭ paźbiehnuć, ale jość i ekanamičny varyjant», - zaŭvažyŭ Zinkie. Padobnyja miery, pavodle jaho słoŭ, zaklučajucca ŭ cisku i vyciaśnieńni enierharesursaŭ krain z rynku. Ich Štaty, jak ličyć kiraŭnik amierykanskaha viedamstva, mohuć prymianić da Iranu i Rasii.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim17
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3636
Kamientary