Sud Ivacevickaha rajona 1 kastryčnika ahučyŭ prysud byłomu dyrektaru pradpryjemstva «Papraŭčaja kałonija № 5» za atrymańnie chabaru, piša Radyjo Svaboda.
Eks-načalniku turemnaj fabryki, jakaja zajmajecca vytvorčaściu mebli, prysudzili pazbaŭleńnie voli ŭ kałonii ŭzmocnienaha režymu terminam na 9 hadoŭ.
Jaho taksama pazbavili zvańnia pałkoŭnika, prava zajmać adkaznyja pasady terminam na 5 hadoŭ, i pryznačyli kanfiskacyju majomaści.
Sud vyjaviŭ, što abvinavačany «z 17 sakavika 2009 hoda da 4 sakavika 2013 hoda atrymaŭ ad pradstaŭnika francuzskaj kampanii ŭ jakaści chabaru 207 365 jeŭra za vyrašeńnie pytańniaŭ ab mahčymaści zaklučeńnia kantraktaŭ na pastaŭki mebli».
Prysud pakul nie ŭstupiŭ u zakonnuju siłu i moža być abskardžany.
Fabryka znachodzicca ŭ mužčynskaj kalonii strohaha režymu ŭ Ivacevičach. Pradpryjemstva stvorana ŭ 1986 hodzie z metaj pryciahnieńnia asudžanych da pracy i vytvorčaści pradukcyi, źjaŭlajecca vytvorčaj adzinkaj Departamentu vykanańnia pakarańniaŭ MUS Biełarusi.
Kamientary