Armianskija deputaty, nasupierak zakliku premjer-ministra Nikoła Pašyniana, pryniali zakon, jaki budzie błakavać rospusk parłamienta.
Za heta prahałasavali 67 deputataŭ z Respublikanskaj partyi, partyj «Dašnakcuciun» i «Kvitniejučaja Armienija». Rospusk parłamienta byŭ nieabchodny dla praviadzieńnia pazačarhovych parłamienckich vybaraŭ.
Paśla hałasavańnia Nikoł Pašynian padčas svajho anłajn-zvarotu ŭ Facebook zaklikaŭ ludziej vyjści na pratest.
Paśla hetaha da budynka Nacyjanalnaj Asamblei ŭ Jerevanie vyjšli tysiačy armian. Kolkaść demanstrantaŭ pavialičvajecca, uvachod u parłamient i vulicy vakoł jaho zabłakavanyja — tamu deputaty nie mohuć vyjści z budynka.
Ludzi skandujuć «respublikancaŭ preč!» i vykrykvajuć łozunhi ŭ padtrymku Pašyniana.
Za niekalki hadzin da słuchańniaŭ u parłamiencie premjer-ministr zajaviŭ žurnalistam, što płanuje pravieści pieravybary sioleta ŭ śniežni. Z novym zakonam hetaha budzie zrabić niemahčyma.
Kamientary