Prezidentam Varšavy stanie kandydat ad apazicyii, abjadnanaj pad nazvaj «Hramadzianskaja kaalicyja», Rafał Tšaskoŭski.
Polskaja partyja ŭłady «Prava i spraviadlivaść» (PiS) Jarasłava Kačyńskaha prajhraje pieršy tur vybaraŭ u bolšaści bujnych haradoŭ, u tym liku ŭ Varšavie. Pra heta śviedčać źviestki ekzit-poła, praviedzienaha daśledčym centram Ipsos i raspaŭsiudžanyja Polskim telebačańniem adrazu ž paśla zakryćcia učastkaŭ, pieradaje BiełTA.
Pavodle infarmacyi sacyjołahaŭ, u Varšavie ŭ pieršym tury pieramoh kandydat ad apazicyi, abjadnanaj pad nazvaj «Hramadzianskaja kaalicyja», Rafał Tšaskoŭski (Rafał Trzaskowski) jakoha padtrymali 54,1% vybarščykaŭ. Za kandydata ad PiS Patryka Jakaha (Patryk Jaki) prahałasavali 30,9% vybarščykaŭ.
Rafału Tšaskoŭskamu 46 hadoŭ. Jon viadomy ŭ Polščy jak ministr zamiežnych spraŭ u cieniavym uradzie «Hramadzianskaj płatformy». Va ŭradzie Donalda Tuska uznačalvaŭ ministerstva administracyi i ŭkaranieńnia ličbavych technałohij (2013—2014), źjaŭlaŭsia deputatam Siejma i deputatam u Jeŭraparłamiencie. Rafał Tšaskoŭski žanaty, maje dačku i syna. Jaho baćka — pijanist i kampazitar, zvodny brat — dyrektar viadomaha ŭ Varšavie artystyčnaha kafe «Piŭnica pad baranami», a pradzied zasnavaŭ pieršuju ŭ Polščy žanočuju himnaziju.
Druhi tur municypalnych vybaraŭ adbudziecca ŭ Krakavie i Hdańsku, ale lidzirujuć niezaležnyja kandydaty.
U Poznani, Lublinie, Katavicach i Biełastoku mera ŭdałosia abrać u pieršym tury. U asnoŭnym, u hetych haradach pieramahajuć kandydaty ad «Hramadzianskaj kaalicyi» abo niezaležnyja palityki.
Palaki siońnia vybirali bolš za 46 tysiač deputataŭ miascovych radaŭ, paŭtary tysiačy vojtaŭ, 823 burhamistraŭ i 107 meraŭ haradoŭ.
Pavodle infarmacyi ekzit-połaŭ, u cełym pa krainie PiS vyjhrała vybary ŭ orhany miascovaha samakiravańnia ŭ 9 z 16 vajavodstvaŭ.
Pa źviestkach sacyjołahaŭ, na ŭschodzie i poŭdni krainy vybarščyki addali svaje hałasy za PiS. Na zachadzie krainy addali pieravahu kandydatam ad «Hramadzianskaj kaalicyi».
Hetyja vybary ličacca apošniaj surjoznaj pravierkaj ŭzroŭniu padtrymki kirujučaj u Polščy partyi «Prava i spraviadlivaść» pierad vybarami ŭ Jeŭrapiejski parłamient i ŭ polski siejm u 2019 hodzie.
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary