Siadzibie BNF patrebnaja Vašaja padtrymka: ofis abvieściŭ zbor achviaravańniaŭ. Pieraličyć hrošy na apłatu arendy siadziby BNF možna praź sistemu «Raźlik» (ARIP) «Rasčiet» (ARIP), prostym bankaŭskim pieraličeńniem, albo najaŭnymi achviaravańniami ŭ samoj siadzibie, paviedamlaje pres-słužba partyi.
Da 31 śniežnia na apłatu arendy treba sabrać 28 000 rubloŭ — inakš ŭłady pahražajuć skasavańniem damovy arendy.
Apošnija siem hadoŭ Siadziba BNF raźmiaščajecca pa vulicy Čarnyšeŭskaha, 3 — siudy jana pierajechała paśla taho, jak ułady vycisnuli partyju z histaryčnaha budynku na vulicy Varvašeni (praspekt Mašerava)
Siadziba BNF jak niezaležnaja placoŭka isnuje vyklučna dziakujučy achviaravańniam ludziej. Štohod dziasiatki arhanizacyŭ ładziać u pamiaškańni Siadziby BNF kulturnickija, maładziovyja, dabračynnyja mierapryjemstvy — tut adbyvajucca kancerty (u tym liku heta placoŭka dla tvorčych sustrečaŭ z muzykami, jakija traplajuć u «čornyja śpisy»), vystavy, dyskusijnyja kluby, pres-kanferencyi. Placoŭka adkrytyja nie tolki dla mierapryjemstvaŭ BNF: u pamiaškańni Siadziby adbyvalisia źjezdy i schody demakratyčnych partyjaŭ i ruchaŭ roznaj skiravanaści.
Partyja BNF vinavataja 29 tysiač rubloŭ za ofis, ich mohuć vysielić
U Łahojsku piekar admaŭlajecca pradavać svoj chleb pakupnikam, u jakich jość sabaki84
Kamientary