CRU pryjšło da vysnovy, što zabić žurnalista Džamala Chašohi ŭ Stambule zahadaŭ naśledny prync Saudaŭskaj Aravii Muchamied bien Salman Al Saud. Pra heta paviedamlaje The Washington Post sa spasyłkaj na krynicy, znajomyja ź situacyjaj.
Pavodle infarmacyi vydańnia, svaje vysnovy CRU zrabiła na asnovie niekalkich krynic. U ich liku — telefonny zvanok brata naślednaha prynca Chalida bien Salmana (pasła Saudaŭskaj Aravii ŭ Złučanych Štatach), jaki jon rabiŭ Džamalu Chašohi. Chalid, u pryvatnaści, skazaŭ Chašohi, što toj pavinien źjavicca ŭ konsulstva Saudaŭskaj Aravii ŭ Stambule, kab atrymać dakumienty, i pierakanaŭ jaho ŭ tym, što heta biaśpiečna.
Surazmoŭcy vydańnia ŭdakładniajuć, što zastajecca niezrazumiełym, ci viedaŭ Chalid, što Chašohi budzie zabity. Adnak patelefanavaŭ jon žurnalistu pa ŭkazańni svajho brata, viedajuć krynicy haziety, znajomyja sa zvankom, jaki byŭ pierachopleny raźviedkaj ZŠA.
Pres-sakratar pasolstva Saudaŭskaj Aravii ŭ Vašynhtonie Facima Bašen u hutarcy z WP zajaviła, što pasoł i Chašohi nikoli nie abmiarkoŭvali «što-niebudź, źviazanaje z pajezdkaj u Turcyju». Jana dadała, što «mierkavanyja vysnovy CRU źjaŭlajucca niepraŭdzivymi». «My čuli i praciahvajem čuć roznyja teoryi, nie bačačy paćvierdžańnia hetym śpiekulacyjam», — dadała jana.
-
«Vialikabrytanija pavinna vykupić Amieryku nazad». Brytanski žurnalist patroliŭ Trampa
-
Tramp patrabuje pa miljardzie dołaraŭ ad krain za pastajannaje členstva ŭ Radzie miru, jakuju jon stvaraje. Staršynioj budzie jon sam
-
«Make America Go Away». Dziasiatki tysiač ludziej u Hrenłandyi i Danii vyjšli na akcyi suprać ZŠA
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy11
Kamientary