Alaksandr Łukašenka siońnia ŭ Oršy na naradzie pa raźvićci lnianoj haliny i pierapracoŭcy lonu raspavioŭ, čamu pakinuŭ Michaiła Rusaha na pasadzie vice-premjera, piša BiełTA.
«Apazicyja, nie apazicyja pisali: voś usich vice-premjeraŭ prezident pavyhaniaŭ, a Rusaha pakinuŭ. Potym adzin niejki paŭapazicyjny sajt, paviedamili mnie, napisaŭ: napeŭna, z Rusym raźbiarucca pa vynikach hoda. Absalutna pravilna. I Rusaha ź siońniašniaha dnia b nie było, ale jak čałaviek viaskovy ja razumieju: byŭ usio ž taki nie lepšy hod. Sprava nie ŭ nadvorji, ale byŭ daloka nie lepšy hod», — skazaŭ Alaksandr Łukašenka.
Adnak, ličyć kiraŭnik dziaržavy, u vytvorčaści taho ž ilnovałakna možna było b damahčysia prykmietna bolšych vynikaŭ, kali b hetaj śfiery hubiernatary nadavali naležnuju ŭvahu. «Tak, drenna, ale ŭsio-tki, jak kiraŭnik našaha pradpryjemstva tut skazaŭ, u jaho jość dobraja dynamika.
Heta ratuje Rusaha ad toj katastrofy, jakuju paciarpieli jaho kalehi na čale z Kabiakovym. Ale, Michaił Ivanavič, nie daj boh vy z Zajcam (ministr sielskaj haspadarki i charčavańnia) nie vyrašycie hetuju prablemu u 2019 hodzie «, - papiaredziŭ jon.
Jak paviedamlałasia, žnivieńskaja narada z udziełam kiraŭnika dziaržavy ŭ Oršy była fatalnaj dla papiaredniaha składu ŭrada: praź niekalki dzion Alaksandr Łukašenka źmianiŭ kiraŭnictva ŭrada. Pasadaŭ pazbavilisia premjer-ministr Andrej Kabiakoŭ i ŭsie jahonyja namieśniki, akramia Michaiła Rusaha.
Kamientary