Kitajskija navukoŭcy nazvali idealnuju dla zdaroŭja tempieraturu pavietra
Śpiecyjalisty Kitajskaha centra pa kantroli i praduchileńni zachvorvańniaŭ pry sadziejničańni Fudańskaha ŭniviersiteta (Šanchaj) praviali bujnamaštabnaje daśledavańnie ŭzajemazaležnaści pamiž panižanym uzroŭniem atmaśfiernaj tempieratury i śmiarotnaściu, piša TASS.
Hrupa navukoŭcaŭ praanalizavała zvyš za 1,8 młn. naturalnych śmiarotnych vynikaŭ, jakija adbylisia ad 2013 da 2015 hoda ŭ bolš čym 270 kitajskich haradach. U vyniku akazałasia, u bolšaści vypadkaŭ śmierć mieła ciesnuju suviaź z panižanym tempieraturnym fonam.
Choład upłyvaje na sardečna-sasudzistuju sistemu i pryvodzić da źmienaŭ u aŭtanomnaj niervovaj sistemie čałavieka, uździejničaje na kryviany cisk i maje dačynieńnie da zapalenčych pracesaŭ,
— pryvodzić hazieta China Daily słovy Kań Chajduna — viadučaha daśledčyka z kamandy śpiecyjalistaŭ, jakija zajmajucca hetym pytańniem. — U chałodnyja dni asabliva zaŭvažny niehatyŭny efiekt adčuvajuć na sabie reśpiratornyja orhany, što moža tłumačycca uzmacnieńniem infiekcyj u taki čas hoda.
Jak pakazali daśledavańni, u pieršuju čarhu ad panižanych tempieratur pakutujuć serca i kryvianosnaja sistema. Niebiaśpieka zachvareć paśla mocnaha achaładžeńnia, zhodna z analizam, isnuje na praciahu dvuch tydniaŭ, u toj čas jak nastupstvy pierahrevu mohuć pryvieści da niedamahańniaŭ abo hibieli tolki na praciahu dvuch-troch dzion z momantu, kali adbyŭsia incydent.
Navukoŭcy KNR vyśvietlili, što aptymalnaj dla čałaviečaha arhanizma varta ličyć tempieraturu ŭ 22,8 hradusa Celsija — mienavita pry takim uzroŭni niebiaśpieka zachvareć akazvajecca minimalnaj.
Pa słovach śpiecyjalistaŭ, vielmi ŭraźlivymi da choładu varta ličyć žančyn, dziaciej i pažyłych ludziej va ŭzroście starejšych za 75 hadoŭ. Mienavita na ich, jak pakazała praktyka, niedastatkova praciahły aciaplalny siezon u chałodnuju paru hoda moža adbicca asabliva niehatyŭna.
Kamientary