Viadomaha błohiera z Homiela Maksima Filipoviča sud Savieckaha rajona Homiela pakaraŭ na 14 dzion administracyjnaha aryštu. Akramia taho błohier musić vypłacić štraf u pamiery 18 bazavych vieličyniaŭ — 441 rubiel.
Jak adznačaje rečyckaja rajonnaja hazieta «Dniaproviec», Filipoviča pakarali za incydent, jaki adbyŭsia 15 kastryčnika ŭ homielskaj kramie «Pravincyja». Tam u čarzie zdaryŭsia kanflikt pamiž pakupnikami, a Filipovič dałučyŭsia da sprečki. Błohier śćviardžaje, što adzin z udzielnikaŭ kanflikta, pakupnik Siarhiej Łašyn abmaciukaŭ i jaho, i inšych ludziej, za što paśla byŭ pryciahnuty da administratyŭnaj adkaznaści.
Filipovič paspračaŭsia jašče i z achoŭnikam, jaki admoviŭsia vyklikać milicyju.
Paśla błohier uklučyŭ kamieru i doŭhi čas išoŭ uśled za Siarhiejem Łašynym, zapisvajučy jaho na videa. Sam Filipovič śćviardžaje, što prosta ŭhavorvaŭ Łašyna nie sychodzić ź miesca pravaparušeńnia.
Na nastupny dzień na jaho napisali ŭ milicyju dźvie zajavy. Za pieraśled hramadzianina Filipovič atrymaŭ štraf, a za razborki z achoŭnikam — 14 sutak aryštu.
Aproč taho, milicyja pravodzić pravierku pa fakcie kanfliktu Filipoviča i pažarnaha.
Błohiera Filipoviča abvinavacili ŭ chamskim abychodžańni z pažarnym VIDEA
Ratavalnik, jakomu nachamiŭ błohier Filipovič: Adpracavali 14 hadzin jak čerci, a tut jašče jon
Błohier Filipovič staŭ viadomym paśla taho, kali ŭ 2017 hodzie atrymaŭ «list ščaścia» — pradpisańnie z padatkovaj inśpiekcyi apłacić padatak na darmajedstva. Joje pačaŭ aktyŭna aśviatlać u svaim błohu prablemy, źviazanyja z uviadzieńniem u krainie padatku dla biespracoŭnych. Niekatoryja jahonyja videa na hetuju temu sabrali kala 500 tysiač prahladaŭ.
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni24
Kamientary