Вядомага блогера з Гомеля Максіма Філіповіча суд Савецкага раёна Гомеля пакараў на 14 дзён адміністрацыйнага арышту. Акрамя таго блогер мусіць выплаціць штраф у памеры 18 базавых велічыняў — 441 рубель.
Як адзначае рэчыцкая раённая газета «Дняпровец», Філіповіча пакаралі за інцыдэнт, які адбыўся 15 кастрычніка ў гомельскай краме «Правінцыя». Там у чарзе здарыўся канфлікт паміж пакупнікамі, а Філіповіч далучыўся да спрэчкі. Блогер сцвярджае, што адзін з удзельнікаў канфлікта, пакупнік Сяргей Лашын абмацюкаў і яго, і іншых людзей, за што пасля быў прыцягнуты да адміністратыўнай адказнасці.
Філіповіч паспрачаўся яшчэ і з ахоўнікам, які адмовіўся выклікаць міліцыю.
Пасля блогер уключыў камеру і доўгі час ішоў услед за Сяргеем Лашыным, запісваючы яго на відэа. Сам Філіповіч сцвярджае, што проста ўгаворваў Лашына не сыходзіць з месца правапарушэння.
На наступны дзень на яго напісалі ў міліцыю дзве заявы. За пераслед грамадзяніна Філіповіч атрымаў штраф, а за разборкі з ахоўнікам — 14 сутак арышту.
Апроч таго, міліцыя праводзіць праверку па факце канфлікту Філіповіча і пажарнага.
Блогера Філіповіча абвінавацілі ў хамскім абыходжанні з пажарным ВІДЭА
Ратавальнік, якому нахаміў блогер Філіповіч: Адпрацавалі 14 гадзін як чэрці, а тут яшчэ ён
Блогер Філіповіч стаў вядомым пасля таго, калі ў 2017 годзе атрымаў «ліст шчасця» — прадпісанне з падатковай інспекцыі аплаціць падатак на дармаедства. Ёе пачаў актыўна асвятляць у сваім блогу праблемы, звязаныя з увядзеннем у краіне падатку для беспрацоўных. Некаторыя ягоныя відэа на гэтую тэму сабралі каля 500 тысяч праглядаў.
Каментары