Histaryčny momant dla Ukrainy: adbyŭsia abjadnaŭčy sabor pamiesnaj ukrainskaj carkvy.
Sabor prachodziŭ u vieličnym kijeŭskim sabory Śviatoj Safii.
Siońnia na abjadnaŭčym sabory ŭ Kijevie było pryniata rašeńnie pra stvareńnie Ukrainskaj aŭtakiefalnaj carkvy. Jaje ŭznačaliŭ 39-hadovy mitrapalit Jepifanij.
Jepifanij (Siarhiej Dumienka) naradziŭsia ŭ 1979 h. u Adeskaj vobłaści. Naležyć da Kijeŭskaha patryjarchata, doktar bahasłoŭja.
Mienavita jaho kandydaturu na pasadu kiraŭnika abjadnanaj ukrainskaj pravasłaŭnaj carkvy padtrymaŭ archijerejski sabor UPC KP, što prajšoŭ 13 śniežnia.
U siońniašnim sabory brali ŭdzieł pradstaŭniki Ukrainskaj pravasłaŭnaj carkvy Kijeŭskaha patryjarchata, Ukrainskaj pravasłaŭnaj carkvy Maskoŭskaha patryjarchata i UAPC, uziaŭ udzieł i prezident Ukrainy Piatro Parašenka. Kiraŭniki UPC KP i UAPC Fiłaret i Makaryj admovilisia bałatavacca na pasadu kiraŭnika UPC.
Miarkujecca, što Ukrainskaja carkva atrymaje Tomas (hramatu ab niezaležnaści) ad Usialenskaha patryjarcha 6 studzienia, pierad Rastvom.
Pamknieńni Ukrainy da niezaležnaj carkvy vyklikali šał u Rasii, a na Sinodzie RPC u Minsku 15 kastryčnika było navat zajaŭlena, što razryvajucca adnosiny z Kanstancinopalem.
U śviecie — 15 pamiesnych pravasłaŭnych cerkvaŭ, h.zn. tych, što majuć aŭtakiefaliju, abo kirujucca ŭ miežach niezaležnaj dziaržavy. Zhodna z kanonam Kanstancinopalskaha patryjarchata, heta Kanstancinopalskaja, Aleksandryjskaja, Antyjachijskaja, Ijerusalimskaja, Ruskaja, Sierbskaja, Rumynskaja, Bałharskaja, Hruzinskaja, Kiprskaja, Eładskaja, Polskaja, Ałbanskaja, Češskaja i Słavackaja. Da aŭtanomnych naležać Sinajskaja, Finlandskaja, Estonskaja. Nie pryznaje Kanstancinopal Amierykanskuju pravasłaŭnuju carkvu.
Bolšaść z hetych cerkvaŭ kirujucca patryjarchami, niekatoryja małalikija — mitrapalitami ci archijepiskapami.
Mitrapalit Jepifanij naradziŭsia pad Adesaj, a vyras na Bukavinie, u Čarnavickaj vobłaści. Jon maje reputacyju intelektuała.
Tysiačy žycharoŭ Kijeva sabralisia siońnia na Safijskaj płoščy vitajuć svaju novuju Carkvu i jaje ijerarcha.
-
Prybytak Volkswagen upaŭ na 44%. Kancern skarocić 50 tysiač pracoŭnych miescaŭ u Hiermanii
-
U Polščy paviedamili pra zatrymańnie biełaruskaha «złodzieja ŭ zakonie». Voś tolki niezrazumieła, što ź im rabić dalej
-
Ukraina prapanoŭvała ZŠA technałohii procidziejańnia iranskim bieśpiłotnikam. Tyja nie zacikavilisia, ciapier ličać heta «najbolšym promacham»
Kamientary