Kab kantralavać uron, što moža być naniesieny Ankary kuplaj S-400, turecki bok prapanavaŭ dać šaniec amierykanskim śpiecyjalistam vyvučyć nabytyja ŭ Rasii rakietnyja sistemy, vyśvietliła infarmahienctva Bloomberg.
U Turcyi dapuścili, što nabytyja ŭ Rasii zienitnyja rakietnyja sistemy (ZRK) S-400 buduć pieradadzienyja dla vyvučeńnia amierykanskim śpiecyjalistam. Pra heta Bloomberg raspaviali dźvie znajomyja z abmierkavańniem pytańnia krynicy. Heta, jak miarkujuć u Ankary, dazvolić tureckim uładam kantralavać uron ad kupli ŭzbrajeńnia ŭ Maskvy, tłumačać surazmoŭcy ahienctva.
Padobnuju ideju Turcyja, pa ich słovach, vyłučyła «ŭ apošnija tydni». Zhodna ź joj, «šaniec vyvučyć jakija-niebudź S-400, nabytyja ŭ Rasii», moža źjavicca ŭ amierykanskich technikaŭ. Astatnich detalaŭ hetaj inicyjatyvy krynicy nie pryvodziać. Pry hetym Bloomberg adznačaje, što situacyja raźvivajecca na fonie pahroz amierykanskich uładaŭ uvieści ŭ dačynieńni Ankary sankcyi, a taksama ździełki, jakaja rychtujecca pamiž ZŠA i Turcyjaj pa prodažy apošniaj amierykanskich ZRK Patriot.
Ab prapanovie pradać Ankary svaje sistemy supraćpavietranaj i supraćrakietnaj abarony (vytvorca — amierykanskija vajenna-pramysłovyja kampanii Raytheon Co. i Lockheed Martin Corp.) na sumu $3,5 miljarda Dziarždepartament ZŠA apaviaściŭ kanhres napiaredadni. U Biełym domie, jak udakładniaje Bloomberg, mahčymuju ździełku kamientavać admovilisia. Kompleksy Patriot, jak miarkujuć u amierykanskim źniešniepalityčnym viedamstvie, pavialičać abarončyja mahčymaści tureckaj armii, a taksama sajuźnikaŭ pa NATA.
U Kramli, reahujučy na padobnuju infarmacyju, zajavili, što pastaŭki Turcyi amierykanskaha ZRK Patriot na pahadnieńnie pa S-400 nie paŭpłyvajuć. Kantrakt pamiž Maskvoj i Ankaroj byŭ składzieny ŭ śniežni minułaha hoda, suprać jaho vystupali ŭ Vašynhtonie. Kiraŭnik tureckaha MZS Mieŭlut Čavušahłu tym nie mienš paśla zajaviŭ, što hetaja ździełka źjaŭlajecca «vyrašanaj spravaj» i nie moža być admieniena. Miarkujecca, što Ankara nabudzie ŭ Maskvy čatyry dyvizijony ZRK S-400 na sumu $2,5 miljarda.
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja29
Kamientary