Za ŭšanavańnie paŭstancaŭ Kalinoŭskaha ŭ Śvisłačy aktyvistaŭ aštrafavali amal na 3,5 tysiačy rubloŭ
Pavodle rašeńnia sudu ŭdzielniki tradycyjnaha ŭšanavańnia pamiaci paŭstancaŭ Kalinoŭskaha ŭ Śvisłačy musiać zapłacić 3430 rubloŭ (140 bazavych vieličyniaŭ) štrafaŭ, paviedamlaje «Radyjo Svaboda».
Administracyjnyja spravy kožnaha z aktyvistaŭ paasobku razhladalisia ŭ sudzie Śvisłackaha rajonu bolš za miesiac.
Štrafy za ŭdzieł u niesankcyjanavanaj akcyi atrymali vosiem čałaviek:
- Viktar Piacielčyc — 245 rubloŭ,
- Ihar Bancar, Siarhiej Vieramiejenka, Viktar Sazonaŭ, Uładzimier Chilmanovič — pa 367,5 rubla,
- Ježy Hryhienča — 490 rubloŭ,
- Jury Hlebik, Mikałaj Salanik — pa 612,5 rubla.
Viktar Sazonaŭ i Ŭładzimier Chilmanovič — horadzienskija pravaabaroncy. Jany pryjechali na akcyju nie jak udzielniki, a jak naziralniki.
Aktyvisty buduć abskardžvać rašeńnie sudu.
27 kastryčnika žychary Horadni i Śvisłačy ŭšanavali pamiać paŭstancaŭ Kalinoŭskaha ŭ horadzie Śvisłač i vioscy Jakušoŭka Horadzienskaj vobłaści.
Na akcyju sabrałasia kala 20 čałaviek. Jany ŭskłali kvietki i pastavili źničy na mahile Viktara Kalinoŭskaha, brata Kastusia Kalinoŭskaha, i miascovaha aktyvista Viktara Dziasiacika.
Kamientary