Na stadyjonie «Dynama» ličać, što pravieści Dzień Voli ŭ ich niemahčyma
Śviatočnaha kancerta ŭ honar Dnia Voli na stadyjonie «Dynama» nie budzie. Pra heta TUT.BY raspaviali ŭ kiraŭnictvie stadyjona.
Nahadajem, siońnia arhanizatary śviatkavańnia Dnia Voli zajavili, što kancert sioleta płanujecca pravieści na stadyjonie «Dynama». U siabie ŭ fejsbuku jany napisali, što z kiraŭnictvam stadyjona arhkamitet užo pravioŭ papiaredniaje abmierkavańnie varyjantu praviadzieńnia na hetaj placoŭcy Dnia Voli — 2019.
«Atrymana infarmacyja, što jość mahčymaść zakryć pole i biehavyja darožki admysłovym pakryćciom, pastavić scenu, zabiaśpiečyć naviednikaŭ charčavańniem i ciopłymi napojami praz šmatlikija kropki prodažu na stadyjonie. U hety čas na stadyjonie nie płanujecca vialikich mierapryjemstvaŭ: futbolny siezon pačniecca ŭ krasaviku, a Jeŭrapiejskija hulni adbuducca ŭ červieni-lipieni, tamu stadyjon budzie hatovy pryniać Dzień Voli pry pazityŭnym adkazie Minharvykankama», — napisali arhanizatary.
U «Dynama» zajavili, što nijakich papiarednich abmierkavańniaŭ i damoŭlenaściej z arhanizatarami Dnia Voli nie było.
— Kiraŭnictva HU «Nacyjanalny alimpijski stadyjon «Dynama» paviedamlaje pra toje, što z kiraŭnictvam stadyjona papiaredniaha abmierkavańnia varyjantu praviadzieńnia Dnia Voli na stadyjonie nie było. Dadatkova paviedamlajem ab niemahčymaści praviadzieńnia Dnia Voli na terytoryi stadyjona, bo Nacyjanalny alimpijski stadyjon źjaŭlajecca hałoŭnaj spartyŭnaj arenaj krainy, hałoŭnaj placoŭkaj dla praviadzieńnia II Jeŭrapiejskich hulniaŭ. Aryjentavany jon na praviadzieńnie spartyŭna-masavych, kulturna-vidoviščnych mierapryjemstvaŭ, ale ŭ dadzieny momant znachodzicca ŭ aktyŭnaj fazie padrychtoŭki da Jeŭrapiejskich hulniaŭ, takim čynam praviadzieńnie spartyŭna-masavych i kulturna-vidoviščnych mierapryjemstvaŭ ciapier abmiežavana, — zajavili ŭ HU «Nacyjanalny alimpijski stadyjon «Dynama».
Paźniej Pavieł Biełavus zajaviŭ, što ŭsio ž jon razmaŭlaŭ z namieśnikam dyrektara pa asnoŭnaj dziejnaści Stanisłavam Vaźniakom.
Dalej jany abmiarkoŭvali realnaść zadumy. Vaźniak skazaŭ, što stadyjon padparadkoŭvajecca horadu i jany prymajuć rašeńnie, tamu treba padavać zajaŭku meru, što siońnia i było zroblena.
«Tamu nie panikujem i čakajem aficyjnaha adkazu ad horada i dalej u zaležnaści ad adkazu vyrašajem što rabić»,
— piša Biełavus.
Pavieł Biełavus pra Dzień Voli: Nie panikujem i čakajem aficyjnaha adkazu ad horada
Dzień Voli — 2019 chočuć pravieści na stadyjonie «Dynama»
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki40
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary