«Raskosmas» časta nie maje dakładnych źviestak pra pryčyny vychadu z ładu ŭłasnych kaśmičnych aparataŭ, zajaviŭ pradstaŭnik dziaržkarparacyi Juryj Makaraŭ.
«Kali ŭ nas vychodziać z ładu spadarožniki, my časta nie viedajem pryčyn hetaha. Havorym pra ciažkija zaradžanyja čaścicy, kaśmičnyja promni, uździejańni technahiennych abjektaŭ, časam havorym pra naŭmysnyja ŭździejańni na kaśmičnyja aparaty, ale dakładnuju pryčynu nie viedajem», — skazaŭ śpiecyjalist.
Pavodle jaho słoŭ, dla atrymańnia dakładnych źviestak pra pryčyny vychadu z ładu kaśmičnaj techniki nieabchodnaja sistema manitorynhu kaśmičnaj prastory. «U ciapierašni čas takoj mahutnaj sistemaj manitorynhu vałodajuć tolki ZŠA», — adznačyŭ Makaraŭ.
Miž tym, na dumku pradstaŭnika dziaržkarparacyi, rasijskaja sistema kantrolu kaśmičnaj prastory dasiahnuła parytetu z amierykanskaj. «Piać hadoŭ tamu karcina była zusim inšaja», — dadaŭ Makaraŭ.
U studzieni dyrektar NDI jadziernaj fiziki MDU Michaił Panasiuk zajaviŭ, što na kalaziamnoj arbicie raźmiaščajucca ŭsiaho dva bujnyja rasijskija navukovyja spadarožniki, adnak abodva jany nie funkcyjanujuć paŭnavartasna.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku7
Kamientary