Pytańni raźvićcia ŭ Biełarusi šachmatnaha sportu i praviadzieńnia 45-j Suśvietnaj šachmatnaj alimpijady ŭ 2022 hodzie abmierkavany siońnia na sustrečy Alaksandra Łukašenki z prezidentam Mižnarodnaj fiederacyi šachmat (FIDE) Arkadziem Dvarkovičam, paviedamlaje BIEŁTA.
«Ja niejak i z byłym kiraŭnikom fiederacyi nie adnojčy sustrakaŭsia i viedaŭ jaho dobra. My razmaŭlali ab raźvićci šachmat u Biełarusi. My prytrymlivajemsia hetaha kursa. Ja čałaviek «ŭsiajedny»: dla mianie vielmi važny luby vid sportu, pačynajučy ad chakieja i fihurnaha katańnia i zakančvajučy šachmatami. Tym bolš tak zdaryłasia, što Biełaruś — heta, možna skazać, adna z mahutnych šachmatnych dziaržaŭ, i škoła ŭ nas zaŭsiody była prystojnaja. Baču, što i ciapier pačali varušycca, tamu naša sustreča darečy», — skazaŭ Alaksandr Łukašenka.
Kiraŭnik dziaržavy taksama pavinšavaŭ Arkadzia Dvarkoviča z vybrańniem prezidentam Mižnarodnaj fiederacyi šachmat. Jon atrymaŭ hetuju pasadu na pasiadžeńni Hienasamblei FIDE ŭ kastryčniku 2018 hoda. «My dobrazyčliva da hetaha stavimsia. Hruba kažučy, usio ž taki svoj čałaviek, dy jašče i kiraŭnik fiederacyi — heta vielmi važna dla nas, — adznačyŭ Alaksandr Łukašenka. — Jość pra što pahavaryć. Vy skažycie, što my pavinny zrabić, kab ministr pryniaŭ da vykanańnia. Vy viedajecie sami pa minułaj pracy [Dvarkovič byŭ vice-premjeram urada Rasii — NN], što čynoŭniki pavolna časam varušacca. Ale kali vy sapraŭdy vyznačycie i padkažycie, što my pavinny rabić, my abaviazkova zrobim»
Ciapier čytajuć
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach8
Kamientary