Čamu dla ruskamoŭnaj viersii sajty dziaržaŭnych ustanoŭ vykarystoŭvajuć ikonku rasijskaha trykałora?
Pytańnie ŭźnikła ŭ čytača «Našaj Nivy»: čamu dla ruskamoŭnaj viersii mnohija sajty dziaržaŭnych ustanoŭ i pradpryjemstvaŭ vykarystoŭvajuć ikonku rasijskaha trykałora? Pryčym tut dziaržaŭny simvał inšaj dziaržavy?
U Biełarusi dźvie dziaržaŭnyja movy — biełaruskaja i ruskaja. Hetyja dźvie movy pryznanyja dziaržaŭnymi i pavodle Kanstytucyi. Lubym źjavam z charaktarystykaj «dziaržaŭny» nadajecca simvalizm kankretnaj dziaržavy, da jakoj jany majuć dačynieńnie.
Zychodziačy z taho, što i ruskaja mova — mova krainy Biełaruś, ja zusim nie razumieju, čamu na biełaruskich sajtach (u tym liku dziaržaŭnych orhanaŭ, pradpryjemstvaŭ i viedamstvaŭ) adna ź dziaržaŭnych moŭ Biełarusi paznačajecca ściaham nie Biełarusi, a inšaj zamiežnaj krainy (trykałoram susiedniaj krainy). Što heta za biazhłuździca? Heta ŭžo prosta nie patryjatyčna i nie kanstytucyjna.
Mienavita tak paznačana ruskaja mova, naprykład, na sajcie padviedamnaj prezidentu RB i kiraŭnictvu spraŭ prezidenta Dziaržaŭnaj ustanovy «Hałoŭnaje haspadarčaje ŭpraŭleńnie».
Kamientary