VUP Biełarusi ŭ studzieni 2019 hoda vyras na 0,7%, što vyšej za kvartalny prahnoz urada, paviedamiŭ žurnalistam ministr ekanomiki Dźmitryj Kruty pierad kalehijaj ministerstva.
«Ekanomika pačała 2019 hod vielmi paśpiachova. Pavodle apieratyŭnaj infarmacyi, naš VUP vyras na 0,7%, što navat niekalki vyšej za kvartalnyja acenki ŭrada. Chacia mnohija ekanamisty, uličvajučy vysokuju bazu pieršaha kvartała minułaha hoda, pradrakali ci ledź nie techničnuju recesiju, tym nie mienš, praktyčna ŭsie haliny ŭ studzieni pajšli ŭ plus. My rasceńvajem heta, biezumoŭna, jak stanoŭčy momant», — adznačyŭ Dźmitryj Kruty.
Halina, jakaja syšła ŭ minus, — aptovy handal. Heta tłumačycca situacyjaj pa ciomnych naftapraduktach, pra što damaŭlalisia z rasijskim bokam, udakładniŭ ministr. Strymlivajučym faktaram častkova stała i sielskaja haspadarka (z-za śvinahadoŭli).
Prahnoz pa tempach rostu VUP Biełarusi u 2019 hodzie na 4% zachoŭvajecca. «Jaho nie pierahladali z ulikam pazityŭnych vynikaŭ studzienia», - dadaŭ Dźmitryj Kruty.
Što tyčycca drajvieraŭ rostu biełaruskaj ekanomiki u 2019 hodzie, to, na dumku ministra, heta ŭ pieršuju čarhu ŭnutranyja reziervy. «Heta inviestycyi, našy nacyjanalnyja prajekty, raźvićcio małoha i siaredniaha biznesu», — rastłumačyŭ jon. Ministr źviarnuŭ uvahu, što ŭ apošni čas byli pryniatyja biesprecedentnyja dakumienty dla libieralizacyi biźniesu. Adzin z vynikaŭ — dola padatkovych pastupleńniaŭ ad małoha i siaredniaha biźniesu skłała 36% ad ahulnaha abjomu pastupleńniaŭ.
Kamientary