Rasijski sajt rubaltic.ru u adnym sa svaich materyjałaŭ na temu Biełarusi braŭ kamient u Piatra Piatroŭskaha. Hety čałaviek viadomy svaimi vystupleńniami na biełaruskim dziaržaŭnym telebačańni, dzie pradstaŭlajecca ŭ jakaści fiłosafa i palitołaha. Jon supracoŭničaje ź Instytutam fiłasofii Akademii navuk.
Adnak rasijskija ŚMI pradstavili Piatroŭskaha ŭ jakaści kiraŭnika adździeła mižnarodnaj palityki «Biełaj Rusi».
Namieśnik staršyni «Biełaj Rusi» Alaksandr Šaćko ŭ razmovie z karespandentam «NN» adznačyŭ nastupnaje: «U jaho trochu inšaja praca, na hramadskich pačynańniach. Tam trochu nakasiačyli, trošačku padmanuli. Jon uznačalvaje na hramadskich pačatkach «Kłub junych analitykaŭ».
Sam Piatro Piatroŭski ŭ kamientary «NN» adznačyŭ, što zajmajecca ŭ «Biełaj Rusi» Analityčnym centram maładych palitołahaŭ.
Piatroŭski pačynaŭ jak kiraŭnik kansiervatyŭnaha centra «Nomas», byŭ biełaruskamoŭnym. Na dziaržkanałach Piatroŭski vykarystoŭvajecca dla napadak na apazicyju.
Kamientary