Stadyjon «Dynama» admoviŭ arhanizataram kancerta #BNR101, bo niama hazona
Hieneralny dyrektar Nacyjanalnaha alimpijskaha stadyjonu «Dynama» Vasil Alaksiejenka patłumačyŭ admovu ŭ praviadzieńni śviatočnaha kancertu na Dzień Voli #BNR101 nieabchodnaściu adnaŭlać hazon, piša «Radyjo Svaboda».
Paśla zimovaha peryjadu hety praces «zajmaje da paŭtara miesiaca».
Pavodle Alaksiejenki, data praviadzieńnia śviatočnaha kancertu na Dzień Voli i terminy pastaŭki i testavańnia pakryćcia futbolnaha hazonu supadajuć.
«Abmiežavańni stadyjonu «Dynama» jak areny dla arhanizacyi praviadzieńnia kancertaŭ, festyvalaŭ, paradaŭ abumoŭlenyja najaŭnaściu i stupieńniu zavieršanaści testavańnia achoŭnaha pakryćcia futbolnaha hazonu. Paśla zimovaha peryjadu adnaŭleńnie hazonu zajmaje da paŭtara miesiaca», — havorycca ŭ aficyjnym adkazie, jaki atrymała Radyjo Svaboda ad administracyi stadyjona.
Pavodle hiendyrektara, ciapier na stadyjonie niama pakryćcia travianoha hazonu i lohkaatletyčnych darožak.
«U źviazku z hetym pravodzicca pracedura zakupki pakryćcia, jakoje i dazvolić u dalejšym u poŭnaj miery ekspluatavać stadyjon».
Stadyjon «Dynama», piša Vasil Alaksiejenka, budzie hatovy da praviadzieńnia mierapryjemstvaŭ «nie raniej za krasavik pry ŭmovie svoječasovaj pastaŭki achoŭnaha pakryćcia i jaho abaviazkovaha testavańnia».
Raniej administracyja stadyjonu «Dynama» admoviła arhanizataram śviatočnaha kancertu na Dzień Voli, spasłaŭšysia na Eŭrapiejskija hulni.
Hramadzkaja kampanija #BNR101 padavała zajaŭku ŭ Mienharvykankam na śviatočny kancert na «Dynama» 24 sakavika.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?18
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci33
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci3
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary