«Chto, kali nie ja?» Rasijskaja prapahandystka Skabiejeva razrekłamavała siabie ŭ jakaści kandydata ŭ prezidenty Ukrainy VIDEA
Viadučaja rasijskaha prapahandysckaha kanała «Rośsija-1» Volha Skabiejeva ŭ jaje YouTube-prajekcie «Siejem dobro», u vypusku, pryśviečanym vybaram prezidenta Ukrainy, pradstaviła svoj pieradvybarčy rolik, u jakim sama televiadučaja vystupiła ŭ jakaści kandydata.
«Siońnia stała viadoma, što 80% ukraincaŭ źbirajucca pajści na vybarčyja ŭčastki 31 sakavika, siońnia ž stała viadoma — amierykancy nam paviedamlajuć, a amierykancam ukraincy vierać — što ŭsiaho 12% ukraincaŭ daviarajuć budučym vybaram, — pačała čarhovy vypusk prajekta Volha Skabiejeva, spasyłajučysia, vidavočna, na danyja amierykanskaj kampanii pa vyvučeńni hramadskaj dumki Gallup. - Heta značyć, usie astatnija 88% hramadzian hatovyja hetyja vybary nie pryznavać užo zahadzia i staviacca da ich skieptyčna i niesurjozna. Jakuju my robim vysnovu? Što niama va Ukrainie hodnaha kandydata. Kandydataŭ šmat — 39, ale hodnaha, dobraha, pryhožaha, taho, jaki budzie kłapacicca — niama jaho. Tamu davajcie — moj pieradvybarčy rolik».
U dynamična zmantavanym roliku nibyta pieradvybarnaj kampanii Volhi Skabiejevaj na pasadu prezidenta Ukrainy jana na łamanaj ukrainskaj movie abiacaje «adbudavać sioły», «spynić vajnu», «zachavać fłot» i «dać ciapło i śviatło ŭ kožny dom».
«Chto, kali nie ja?», — zakančvajecca rolik Skabiejevaj, u jakim jana paziruje ŭ žoŭtym pinžaku na fonie studyjnych płazmaŭ z vyjavaj ściaha Ukrainy.
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary