Sałdat źbieh z vajskovaj častki ŭ Piečach. Jaho šukajuć šosty dzień
19 sakavika sałdat terminovaj słužby Alaksandr Nieŭmiaržycki syšoŭ z častki ŭ Piečach. Pra heta paviedamlaje telehram-kanał NEXTA. U Minabarony infarmacyju paćvierdzili. Kažuć, spahnańniaŭ u dačynieńni da sałdata nie było. Niezadoŭha da źniknieńnia jon dvojčy byŭ u zvalnieńni — jeździŭ na radzimu ŭ Lelčycki rajon, piša Tut.by
Pres-sakratar Minabarony Uładzimir Makaraŭ paviedamiŭ Tut.by, što praz dva dni paśla źniknieńnia kamandzir častki pačaŭ kryminalnuju spravu pa artykule 445 (samavolnaje pakidańnie čaści abo miesca słužby).
— Źniknieńnie da dvuch dzion nie ličycca złačynstvam, — rastłumačyŭ pradstaŭnik viedamstva. — Vajskoŭca stanoŭča charaktaryzujuć. Pošuk byŭ arhanizavany adrazu, 19 sakavika, i praciahvajecca da hetaha času. Prainfarmavanyja ŭsie orhany, u tym liku pravaachoŭnyja. Paviedamili i siamji, jany taksama nie viedajuć, dzie jon.
U Minabarony adznačajuć, što im nieviadoma pra fakty niestatutnych adnosin (dziedaŭščyny), jakija mahli b stać pryčynaj źniknieńnia sałdata. Kali vina Nieŭmiaržyckaha budzie dakazanaja, jamu pahražaje aryšt. Za minuły hod samavolna z vajskovaj častki pajšoŭ tolki adzin sałdat.
Kamientary