Zasnavalnik Alibaba Group Džek Ma vystupiŭ u abaronu zvyšuročnaj pracy, jakaja, jak pryznaŭ jon, raspaŭsiudžanaja ŭ jaho kampanii. Pra heta zajaviŭ Džek Ma ŭ paviedamleńni ŭ karparatyŭnym akaŭncie kampanii ŭ WeChat.
«Asabista ja liču, što mahčymaść pracavać šeść dzion na tydzień ź dziaviataj ranicy da dziaviataj viečara — heta vielizarnaje błasłavieńnie. Šmatlikija kampanii i mnohija ludzi nie majuć mahčymaści pracavać ź dzieviaci ranicy da dzieviaci viečara. Kali vy nie pracujecie ŭ takim režymie, kali vy maładyja, to kali ŭ vas budzie jašče takaja mahčymaść dalej?», — napisaŭ jon.
Pavodle jaho słoŭ, u sučasnym śviecie ŭsie marać pra dobraje žyćcio. Damahčysia hetaha, upeŭnieny jon, možna tolki ŭ tym vypadku, kali układvać u svaju pracu bolš sił, čym astatnija. Džek Ma adznačyŭ, što jaho supracoŭniki ŭ pieršyja hady isnavańnia kampanii rehularna pracavali zvyšuročna. U śviecie technałohij siońnia mnohija ludzi siadziać biez pracy abo pracujuć pad pahrozaj chutkaha skaračeńnia z-za mahčymaha zakryćcia kampanij.
«U paraŭnańni ź imi ja adčuvaju siabie ščaśliŭčykam, ja nie škaduju, što pracuju pa 12 hadzin u dzień, ja b nikoli nie staŭ mianiać hetuju častku svajho žyćcia», — skazaŭ na zakančeńnie jon.
Džek Ma źjaŭlajecca samym bahatym žycharom Kitaja. Za minuły hod jaho bahaćcie vyrasła da $39 miljardaŭ.
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu5
Kamientary