Instytut historyi zapuskaje novy časopis u kałabaracyi z rasijskimi aŭtarami impierskaha tołku
U Instytucie historyi NAN Biełarusi adbudziecca prezientacyja novaha navukovaha časopisa «Biełaruski histaryčny ahlad».
Prezientacyja adbudziecca ŭ ramkach vyjaznoha mierapryjemstva, arhanizavanaha Nacyjanalnym pres-centram Respubliki Biełaruś i NAN Biełarusi, prymierkavanaha da 75-hodździa vyzvaleńnia Biełarusi ad nacystaŭ.
Prezientujuć časopis Alaksandr Rešydzieavič Dziukaŭ (Rasija), dyrektar fondu «Histaryčnaja pamiać», a taksama Dźmitryj Viktaravič Suržyk (Rasija), vykanaŭčy sakratar Rasijska-biełaruskaj asacyjacyi historykaŭ «Sajuznaja inicyjatyva pamiaci i zhody». Hetyja aŭtary majuć reputacyju historykaŭ impierskaha tołku.
Varta taksama adznačyć, što fond «Histaryčnaja pamiać» nazyvajecca śpiecsłužbami bałtyjskich krain prapahandysckim, a jahonaja dziejnaść — «skiravanaj suprać dziaržaŭnaści».
Alaksandr Dziukaŭ mietadyčna pryciahvaŭsia rasijskaj tele-prapahandaj u jakaści «eśpierta-historyka» dla ačarnieńnia nacyjanalnych ruchaŭ u krainach-susiedkach Rasii.
A hety zasnavany Instytutam rasijskaj historyi RAN, Instytutam historyi Nacyjanalnaj akademii navuk Biełarusi i Fondam «Histaryčnaja pamiać», časopis stavić svajoj metaj raźvićcio biełarusistyki i zbližeńnie rasijskich i biełaruskich historykaŭ na asnovie ahulnaha razumieńnia padziej, źjaŭ i piersanalij minułaha. Časopis aryjentavany ŭ pieršuju čarhu na publikacyju recenzij na pracy pa historyi Biełarusi (u jaje sučasnych hieahrafičnych miežach), što aśviatlajuć transfarmacyju sacyjalnaj struktury nasielnictva, raźvićcio biełaruskaha nacyjanalnaha ruchu, dynamiku hieahrafičnych miežaŭ, farmiravańnie nacyjanalnaj samaśviadomaści, hieapalityčnyja impieratyvy raźvićcia Biełarusi, unutranaha raźvićcia i ŭzajemadziejańnia ź inšymi dziaržavami i narodami, upłyŭ hłabalnych kanfliktaŭ na minułaje i sučasnaje Biełarusi, paviedamlajuć aŭtary.
Druhi numar časopisa budzie pryśviečany 75-hodździu vyzvaleńnia Biełarusi ad niamiecka-fašysckich zachopnikaŭ.
Kiraŭnik Instytuta historyi NAN Viačasłaŭ Daniłovič patłumačyŭ «Našaj Nivie», što, nie hledziačy na nazvu, časopis vydajecca ŭ Rasii.
Ničoha kiepskaha Daniłovič u im nie bačyć i ličyć jaho «patrebnym».
-
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie
-
«Ja pierakinuŭ dziaciej za bort». Jak zatanuŭ «Admirał Nachimaŭ», pry katastrofie jakoha zahinuli try biełarusy
-
Z raskošnym katafałkam i žałobnaj pracesijaj. Kaho ź biełarusaŭ chavali ŭ Vilni z najbolšaj pompaj?
Ciapier čytajuć
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam1
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie22
Kamientary