Pjany maładziečaniec prystaviŭ arbalet da hałavy maci i pahražaŭ strelić
Pažyłaja žančyna doŭha razvažała na tym, ci varta źviartacca ŭ pravaachoŭnyja orhany — nie chaciełasia skardzicca na ŭłasnaha syna. 70-hadovaja piensijanierka tolki praź piać dzion paśla zdareńnia vyrašyłasia patelefanavać učastkovamu pra zdareńnie.
Pa infarmacyi MUS, u toj dzień uviečary 50-hadovy syn viarnuŭsia z pracy napadpitku. Svarku pačaŭ litaralna z paroha — razzłavali niepavarotlivaść maci ŭ praviadzieńni rabot na prysiadzibnym učastku. Łajanka pierarasła ŭ źbićcio. Udary nanosilisia rukami i nahami, biez razboru, pa roznych častkach cieła. U daviaršeńnie mužčyna dastaŭ arbalet, pahražajučy, prystaviŭ jaho da hałavy maci i nacisnuŭ na kurok. Pierapałochanaja žančyna ź ciažkaściu zrazumieła, što zbroja była nie zaradžanaja.
Znajšoŭšy momant, piensijanierka vybiehła z chaty. Niekalki dzion jana načavała va ŭłasnym chlavie i ŭ znajomych, bajučysia viarnucca dadomu.
U ciapierašni čas fihurant zatrymany i znachodzicca ŭ izalatary časovaha ŭtrymańnia Maładziečanskaha RAUS. U jaho dziejańniach ŭhledžvajecca prykmiety składu złačynstva, praduhledžanaha artykułam 186 Kryminalnaha kodeksa Biełarusi (pahroza zabojstvam).
U zatrymanaha kanfiskavany dva arbalety, abrez palaŭničaj strelby i patrony. Jon pakul admaŭlajecca tłumačyć pryčyny taho, što adbyłosia i raskazvać pra abstaviny zdarenia. Raniej tryvožnych sihnałaŭ z hetaj siamji nie pastupała, sam fihurant nie traplaŭ u pole zroku milicyi.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?18
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci33
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci3
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary