Jamu było 59 hadoŭ.
U Maskvie pamior žurnalist, hałoŭny redaktar radyjostancyi «Hovorit Moskva» Siarhiej Darenka.
Momant, kali hałoŭny redaktar radyjostancyi «Havoryć Maskva» zvaliŭsia z matacykła ŭ Maskvie, trapiŭ na videa. Hetyja kadry publikuje rasijski telekanał «360».
Rasijskija dziaržaŭnyja infarmahienctvy paśpiašalisia zapeŭnić, što «śmierć Darenki nastupiła z-za naturalnych pryčyn».
Pavodle infarmacyi krynicy TASS, žurnalist pamior paśla padzieńnia z matacykła. «Darenka jechaŭ na matacykle pa centry horada, jamu stała drenna z sercam. Jon zvaliŭsia z matacykła. Minaki vyklikali chutkuju, ale daktary vyratavać jaho nie zmahli», - paviedamiŭ surazmoŭca ahienctva.
Surazmoŭca RIA Naviny taksama zajaviŭ, što «śmierć Darenki nastupiła z-za naturalnych pryčyn».
Pieršapačatkova paviedamlałasia, što žurnalist zahinuŭ u vyniku DTZ.
Pavodle Mash žurnalist ruchaŭsia na matacykle z boku Kurskaha vakzała da Tahanskaj płoščy. Jak miarkujecca, adčuŭ siabie drenna (chutčej za ŭsio, serca) i matacykł zavaliŭsia na bok.
Dalej jon pralacieŭ naŭskasiak da adbojnik sustrečnaj pałasy. Daktary pryjechali, ale ničoha zrabić nie zmahli.
Darenka staŭ viadomy biezapielacyjnaj, a časam skandalnaj manieraj vieści naviny.
U kancy 1990-ch vioŭ prahramu «Vriemia» na Pieršym kanale (Rasija) i «Aŭtarskuju prahramu Siarhieja Darenki». Z 2014 hoda byŭ hałoŭnym redaktaram radyjostancyi «Hovorit Moskva»
Bolš za miesiac tamu jon taksama zajaviŭ, što pasoł Babič moža vyrvać Łukašenku ikły.
Darenka nazvaŭ tady Łukašenku «palityčnaj žyviołaj», jakaja hadami šantažuje Rasiju, Kitaj, Jeŭropu, ZŠA, Iran i Vieniesuełu.
«Ja zachaplajusia jaho chitraściu, jakaja, mabyć, zamianiaje jamu intelekt. Ale chitraści stolki, što intelektu nie treba », — skazaŭ rasijski žurnalist.
Adziny palityčny kankurent dla Łukašenki ciapier — pasoł Rasii Michaił Babič, mierkavaŭ tady žurnalist.
Taksama Darenka mieŭ u Minsku kvateru, a to i nie adnu. Paviedamlałasia, što paśla razvodu z žonkaj, jon addaŭ joj čatyry kvatery ŭ Minsku.
Darenka: Babič vyrvie Łukašenku ikły
Ciapier čytajuć
Hałyhina prymusili apraŭdvacca za zvarot da siłavikoŭ u 2020-m2
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary