Kryčaŭskija kamunalniki patłumačyli, jak u ich atrymałasia «prazrystaja» kabinka dla pieraadziavańnia
U Kryčavie na hramadskim plažy la mikrarajona Sož źjaviłasia novaja kabinka dla pieraadziavańnia. Jak akazałasia, kamunalnyja słužby nie majuć dačynieńnia da aryhinalnaha dyzajna.
Namieśnik dyrektara pa ideałahičnaj rabocie i dobraŭparadkavańni pradpryjemstva «Kamunalnik» Alaksandr Danin raskazaŭ, što kabinku jany pastavili jašče dva tydni tamu. Štakieciny byli nabity ŭ dva słoi, biez ščylin. Ale za vychadnyja vierchni słoj adarvali.
«Heta našy chulihany pastaralisia. Navošta — nie zrazumieła. Nie dumajcie, što my tak śpiecyjalna zrabili!» — prakamientavaŭ Alaksandr Danin.
Za zaŭtra kamunalniki abiacajuć usio adramantavać. A voś novych kabinak na hetym hramadskim plažy nie čakajecca. «U nas try plažy, i na ŭsich ustalavana pa adnoj kabincy. Jak praviła, jaje chapaje», — tłumačyć Danin.
Kamientary