Źbity Iranam amierykanski stratehičny vyviedvalny bieśpiłotnik akazaŭsia RQ-4A BAMS-D (Broad Area Maritime Surveillance-Demonstrator) — ekśpierymientalnym demanstrataram, na bazie jakoha adpracoŭvajucca technałohii pierśpiektyŭnaha latalnaha drona MQ-4C Triton, paviedamlaje The Drive.
The Aviationist adznačaje, što RQ-4A BAMS-D farmalna adnosicca, jak i RQ-4Q Global Hawk, da bieśpiłotnikaŭ typu HALE (High-Altitude Long Endurance), jakija adroźnivaje mahčymaść praciahłaha znachodžańnia ŭ aŭtanomnym palocie na vialikich vyšyniach, adnak prapanuje pašyranyja mahčymaści pa padtrymcy vyviedki, nazirańni i rekahnascyroŭcy nad šyrokimi marskimi prastorami ŭ režymie realnaha času.
U pryvatnaści, RQ-4A BAMS-D (i MQ-4C Triton), majučy praktyčna nieadrozny ad RQ-4Q Global Hawk płanior, maje adznaki bieśpiłotnikaŭ typu MALE (Medium-altitude long-endurance), heta značyć zdolny pracavać na mienšych, čym vyraby typu HALE, vyšyniach.
U paviedamleńni VPS ZŠA ŭ jakaści źbitaha 19 červienia bieśpiłotnika pieršapačatkova nazyvajecca RQ-4 (biez ukazańnia A, S ci Q) i adznačajecca, što dron lotaŭ nad mižnarodnymi vodami Amanskaha zaliva i Armuzskaha praliva (paśla amierykanskija vajskoŭcy paćvierdzili, što byŭ źbity mienavita RQ-4A BAMS-D).
«Padčas pierachopu RQ-4 pracavaŭ na vialikaj vyšyni prykładna za 34 kiłamietry ad najbližejšaha punkta sušy na iranskim uźbiarežžy», — udakładniajecca ŭ paviedamleńni.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary