Za apošnija dziesiać-dvaccać hadoŭ takija anłajn-płatformy, jak Coursera i edX, Open University i mnohija inšyja, kardynalna źmianili ŭjaŭleńnie ab dystancyjnaj adukacyi.
Hetaja tendencyja małaprykmietnaja siarod biełaruskich VNU — «ad siesii da siesii» da hetaha času źjaŭlajecca adzinaj alternatyvaj vočnaj adukacyi, jakija prapanujuć univiersitety Biełarusi.
Razam ź Jeŭrapiejskim humanitarnym univiersitetam (EHU) u Vilni hladzim, jak maładyja biełarusy mohuć sumiaścić dystancyjnuju vyšejšuju adukacyju i jeŭrapiejski dypłom.
Z momantu pierajezdu EHU ŭ Vilniu 651 vypusknik skončyŭ dystancyjnyja bakałaŭrskija prahramy biełaruskaha ŭniviersiteta ŭ Vilni. Kožny hod kolkaść vypusknikoŭ raście. I nie dziŭna, pakolki pry paśpiachovym vykanańni patrabavańniaŭ vučebnaj prahramy vypusknik atrymlivaje nie prosta ŭnikalnyja dla ŭschodniejeŭrapiejskaha rehijonu viedy, ale i dypłom jeŭrapiejskaha ŭzoru.
U sučasnym śviecie asablivaje značeńnie nabyvajuć takija navyki, jak krytyčnaje myśleńnie, zdolnaść stavić i vyrašać prablemy, stvarać ułasnaje pracoŭnaje miesca, a taksama ŭmieńnie pastajanna źmianiacca i adaptavacca da novych umoŭ. Razam z hetym sychodzić u minułaje i tradycyjnaje ŭjaŭleńnie ab vyšejšaj adukacyi, ułaścivaje ŭniviersitetam tak zvanaha humbaltaŭskaha typu. Sučasnyja technałohii dazvalajuć sfarmavać važnyja navyki i kampietencyi, zastajučysia hnutkim i mabilnym.
«Navučańnie na dystancyjnych prahramach bakałaŭryjatu EHU daje mahčymaść šmatlikim biełarusam atrymać sučasnuju adukacyju pry adsutnaści mahčymaści vyjechać z krainy na praciahły termin», — upeŭnieny prafiesar-emieryt, kiraŭnik Departamienta sacyjalnych navuk EHU Ryhor Miniankoŭ.
Dla pastupleńnia na bakałaŭrskija prahramy EHU dystancyjnaj formy navučańnia «Jeŭrapiejskaja spadčyna», «Miedyja i kamunikacyja», «Suśvietnaja palityka i ekanomika», a taksama prahramu bieśpierapynnaha navučańnia «Mižnarodnaje prava i prava Jeŭrapiejskaha sajuza» abituryjentu dastatkova zapoŭnić elektronnuju ankietu na asnovie adznak sa školnaha atestata abo dypłoma kaledža i 29 červienia zdać ekzamien pa ese ŭ Minsku. Pry pastupleńni na prahramu «Vizualny dyzajn» abituryjentam zamiest ese nieabchodna zdać ustupny ekzamien pa kampazicyi.
Dystancyjnaje navučańnie ŭ EHU — heta sumiaščeńnie intensiŭnaha anłajn-navučańnia ź piaćciu vočnymi siesijami ŭ Vilni na praciahu navučalnaha hoda. Pry hetym pryncypovaje adroźnieńnie EHU ad zavočnaha navučańnia ŭ inšych biełaruskich univiersitetach zaklučajecca ŭ tym, što student pastajanna pracuje na praciahu siemiestra: čytaje litaraturu, abmiarkoŭvaje jaje z kalehami na virtualnych forumach, zdaje piśmovyja pracy praź sistemu dystancyjnaha navučańnia Moodle, biare ŭdzieł u anłajn-sieminarach praz BlueJeans.
Važna adznačyć, što dystancyjnaje navučańnie viadziecca pa tych ža vučebnych płanach, što i na vočnym adździaleńni. A heta značyć, što navučalnyja płany i źmiest kursaŭ identyčnyja dla ŭsich studentaŭ bakałaŭryjatu. Vypuskniki dystancyjnaj formy navučańnia atrymlivajuć usio tyja ž navyki i kampietencyi, što i «vočniki». Pry hetym dystancyjnaje navučańnie bolš dastupna ź finansavaha punktu hledžańnia — pry pastuplenni u 2019 hodzie maksimalny košt navučańnia dla hramadzian i pastajannych rezidentaŭ Biełarusi składaje €600 u siemiestr.
Šmat u kaho moža ŭźniknuć pytańnie, nakolki jakasnym moža być dystancyjny farmat navučańnia, jak jon arhanizavany.
Staršynia Sienatu EHU prafiesar Alaksandr Pupcaŭ zapeŭnivaje: «EHU pačaŭ aktyŭna raźvivać dystancyjnyja adukacyjnyja prahramy z 2004 hoda ŭ ciesnym supracoŭnictvie z univiersitetam Štata Ńju-Jork. Za apošnija 14 hadoŭ pracy ŭ Vilni vykładčyki ŭniviersiteta nabyli vielizarny dośvied u raspracoŭcy dystancyjnych kursaŭ i ich vykładańni».
Akramia hetaha, studentam dystancyjnaj formy navučańnia dajucca tyja ž mahčymaści, što i ich kaleham z vočnaha adździaleńnia. Paśla zaličeńnia na pieršy kurs studentam dystancyjnaha bakałaŭryjatu adkryvajecca biaspłatnaja hadavaja šmatrazovaja Šenhienskaja viza. Studenty dystancyjnaj formy navučańnia mohuć udzielničać u prahramie mižnarodnych studenckich abmienaŭ i praktyk Erazmus+, udzielničać u navukovych kanfierencyjach i sieminarach, jakija arhanizujucca EHU, a taksama ŭ konkursach studenckich sacyjalnych i navukovych prajektaŭ.
U 2019 hodzie Jeŭrapiejski humanitarny univiersitet zaprašaje vypusknikoŭ škoł i SSNU Biełarusi na bakałaŭrskija prahramy dystancyjnaj formy navučańnia:
- Vizualny dyzajn
- Jeŭrapiejskaja spadčyna
- Miedyja i kamunikacyja
- Suśvietnaja palityka i ekanomika
- Mižnarodnaje prava i prava Jeŭrapiejskaha sajuza
Zdača ŭstupnych ekzamienaŭ prachodzić 29 červienia ŭ Minsku. Hramadzianam i stałym rezidentam Biełarusi dajucca 50% i 100% hranty na pakryćcio navučańnia.
Padača dakumientaŭ — da 3 lipienia.
Padrabiaznaści na sajcie: EHU.LT, pa telefonie +370 5 2639650, u Skype: QuestionEHU, a taksama ŭ Facebook i VK.
Kamientary