Mižnarodnaje ahienctva Fitch Ratings paćvierdziła rejtynh BPS-Śbierbanka na ŭzroŭni «B» z prahnozam «Stabilny». Akramia taho, jano padvysiła rejtynh ustojlivaści BPS-Śbierbanka z «b-» da «b».
Śpiecyjalisty padvysili rejtynh ustojlivaści da «b» pa mnohich pryčynach. «Praciahłaja historyja efiektyŭnaha karparatyŭnaha kiravańnia i ŭdaskanalenaja sistema kantrolu ryzyk, jakaja była ŭmacavana paśla kryzisu, stabilnyja i vysokija pakazčyki asnoŭnaha kapitału, a taksama palapšeńni ŭ prybytkovaści zhładžvajuć ryzyki, źviazanyja ź jakaściu aktyvaŭ», — tłumačać u Fitch.
BPS-Śbierbank atrymaŭ maksimalna mahčymy doŭhaterminovy rejtynh, jaki znachodzicca na adnym uzroŭni i abmiežavany krainavaj stollu Biełarusi «B». Z ulikam taho, što 98,4% akcyj BPB-Śbierbanka naležać Śbierbanku Rasii («BBB-» / prahnoz «Pazityŭny»), Fitch ličyć, što padtrymka kapitałam ad maciarynskaj struktury budzie dastupnaja BPS-Śbierbanku ŭ vypadku nieabchodnaści.
«Prysvajeńnie Fitch Ratings vysokich rejtynhaŭ BPS-Śbierbanku tolki paćviardžaje jaho nadziejnaść i ŭstojlivaść jak u karotkaterminovaj, tak i ŭ doŭhaterminovaj pierśpiektyvie. Za apošnija hady nam udałosia istotna źnizić ryzyki i aptymizavać partfiel prablemnych aktyvaŭ na fonie rostu pa klučavych finansavych pakazčykach», — adznačajuć u BPS-Śbierbanku.
Kamientary