U čas sustrečy z žycharami Tułuna Irkuckaj vobłaści, jaki mocna paciarpieŭ ad pavodki, prezident Rasii pahutaryŭ z chłopčykam.
Adna z udzielnic sustrečy skazała kiraŭniku dziaržavy, što Dzima vielmi choča ź im parazmaŭlać. Pucin znajšoŭ chłopčyka i spytaŭsia ŭ jaho, što jon choča. Toj adkazaŭ, što mašynku. «Dzima, budzie tabie mašynka. Ty jakuju chočaš? «Miersiedes»? Ja pasprabuju», — abiacaŭ Pucin.
U čas razmovy ź inšym chłopčykam prezident spytaŭ, što zdaryłasia ź jaho dziciačym sadkom. «Jon patanuŭ», — adkazała dzicia i raskazała, što budynak ciapier na ramoncie.
Pryčynaj pavodki ŭ Irkuckaj vobłaści, jakaja pačałasia ŭ kancy červienia, stali mocnyja daždžy i pavyšeńnie ŭzroŭniu vady ŭ rekach. U vyniku biedstva zahinuli 25 čałaviek.
Jak viadoma, frazaj «Jana patanuła» Pucin adkazaŭ na pytańnie, što adbyłosia z rasijskaj padvodnaj łodki «Kursk» u 2000 hodzie.
Kamientary